Oliver Glasner: Ég er ekki David Copperfield

Glasner sat í stúkunni í þeirri viðureign og mun stýra liðinu í fyrsta sinn í dag, þegar Palace tekur á móti botnliði Burnley. Nýi þjálfarinn byrjar þar á gríðarlega mikilvægum leik sem stjórn félagsins og stuðningsmenn flokka sem skyldusigur í fallbaráttunni.

Palace er í 15. sæti ensku úrvalsdeildarinnar, fimm stigum fyrir ofan fallsvæðið.

„Ég er enginn galdramaður, ég er ekki David Copperfield. Það er mikilvægt að allir innan félagsins taki saman höndum til að við getum náð okkar markmiðum," sagði Glasner á fréttamannafundi í gær.

„Mér líst vel á þennan leikmannahóp þó að við séum búnir að halda fleiri liðsfundi heldur en æfingar. Við erum einbeittir að leiknum gegn Burnley, það er mikilvægt fyrir okkur að ná í þrjú stig á heimavelli."

Stuðningsmenn Crystal Palace hafa mótmælt eignarhaldi félagsins í fortíðinni en Glasner segist búast við miklum stuðningi gegn Burnley í dag.

„Þegar maður er með lítið af stigum þá þarf maður á stuðningi að halda og ég er viss um að stuðningsmenn munu hvetja okkur af fullum krafti strax í þessum leik. Ég er sannfærður um að þeir muni styðja við bakið á okkur út tímabilið."