Manchester United tekur á móti Fulham í ensku úrvalsdeildinni á morgun og verður án Rasmus Höjlund í fremstu víglínu eftir að Daninn ungi meiddist.
Höjlund missir af næstu vikum vegna meiðsla sem hann hlaut á æfingu, en hann var búinn að skora sjö mörk og gefa tvær stoðsendingar í síðustu sex leikjum áður en hann meiddist.
Erik ten Hag, þjálfari Man Utd, var spurður hvers vegna félagið krækti ekki í nýjan framherja í janúarglugganum. Anthony Martial fór í aðgerð og verður frá keppni þar til í apríl og því var Höjlund eini liðtæki framherjinn í leikmannahópi Rauðu djöflanna, þar til hann meiddist.
„Í fyrsta lagi þá er mjög erfitt að finna framherja sem hentar liðinu. Martial gerði frábæra hluti fyrir okkur á síðustu leiktíð en hann er líka á háum launum sem skilja ekki svigrúm eftir til að fjárfesta í nýjum leikmanni sem spilar sömu stöðu," svaraði Ten Hag á fréttamannafundi í gær.
„Ég vildi næla í framherja eftir að Martial meiddist en framherjar eru ekki ódýrir. Við gátum ekki krækt í framherja ef við vildum vera öruggir að standast háttvísisreglur ensku úrvalsdeildarinnar. Það er mikil vöntun á framherjum í dag og þess vegna erum við himinlifandi með að hafa krækt í Rasmus Höjlund."
Höjlund er kominn með 13 mörk á tímabilinu og er markahæsti leikmaður Man Utd. Miðjumaðurinn Scott McTominay er næstmarkahæstur með 8 mörk.
Rauðu djöflarnir eru að glíma við meiðslavandræði í varnarlínunni hjá sér þar sem Luke Shaw, Lisandro Martinez, Tyrell Malacia og Aaron Wan-Bissaka eru allir meiddir, ásamt miðjumanninum sóknarsinnaða Mason Mount.
Miklar líkur eru á því að Marcus Rashford byrji sem fremsti sóknarmaður Man Utd gegn Fulham.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 29 | 19 | 7 | 3 | 58 | 22 | +36 | 64 |
| 2 | Man City | 28 | 18 | 5 | 5 | 57 | 25 | +32 | 59 |
| 3 | Man Utd | 28 | 14 | 9 | 5 | 50 | 38 | +12 | 51 |
| 4 | Aston Villa | 28 | 15 | 6 | 7 | 38 | 30 | +8 | 51 |
| 5 | Liverpool | 29 | 14 | 6 | 9 | 48 | 39 | +9 | 48 |
| 6 | Chelsea | 28 | 12 | 9 | 7 | 49 | 33 | +16 | 45 |
| 7 | Brentford | 29 | 13 | 5 | 11 | 44 | 40 | +4 | 44 |
| 8 | Everton | 29 | 12 | 7 | 10 | 34 | 33 | +1 | 43 |
| 9 | Bournemouth | 29 | 9 | 13 | 7 | 44 | 46 | -2 | 40 |
| 10 | Fulham | 28 | 12 | 4 | 12 | 40 | 42 | -2 | 40 |
| 11 | Sunderland | 29 | 10 | 10 | 9 | 30 | 34 | -4 | 40 |
| 12 | Brighton | 28 | 9 | 10 | 9 | 38 | 35 | +3 | 37 |
| 13 | Newcastle | 28 | 10 | 6 | 12 | 40 | 42 | -2 | 36 |
| 14 | Crystal Palace | 28 | 9 | 8 | 11 | 30 | 34 | -4 | 35 |
| 15 | Leeds | 29 | 7 | 10 | 12 | 37 | 48 | -11 | 31 |
| 16 | Tottenham | 28 | 7 | 8 | 13 | 38 | 43 | -5 | 29 |
| 17 | Nott. Forest | 28 | 7 | 6 | 15 | 26 | 41 | -15 | 27 |
| 18 | West Ham | 28 | 6 | 7 | 15 | 34 | 54 | -20 | 25 |
| 19 | Burnley | 29 | 4 | 7 | 18 | 32 | 58 | -26 | 19 |
| 20 | Wolves | 30 | 3 | 7 | 20 | 22 | 52 | -30 | 16 |
Athugasemdir
