Fullt nafn: Valgeir Valgeirsson

Gælunafn: Valli

Aldur: 17 ára

Hjúskaparstaða: Í sambandi

Hvenær lékstu þinn fyrsta leik með meistaraflokki: Fyrsti deildar leikur var 2018 í Inkasso á móti Haukum.

Uppáhalds drykkur: Vatn

Uppáhalds matsölustaður: Alltaf Pure deli!

Hvernig bíl áttu: BMW

Uppáhalds sjónvarpsþáttur: Prison Break og Friends

Uppáhalds tónlistarmaður: Herra Hnetusmjör

Fyndnasti Íslendingurinn: Gummi Júl

Hvað viltu í bragðarefinn þinn: Oreo, kökudeig og hvítt súkkulaði

Hvernig hljómar síðasta sms sem þú fékkst: Hvort ætlar þú í football manager eða í fifa?

Hvaða liði myndir þú aldrei spila með: Breiðablik

Besti leikmaður sem þú hefur mætt: Það var helvíti erfitt að mæta Birki Má og Bjarna Ólafi í Val. Byrjaði á hægri kanti á móti Bjarna og komst ekkert framhjá honum og síðan skipti ég um kant og mætti Birki og það var ekki auðveldara.

Besti þjálfarinn sem hefur þjálfað þig: Þeir eru 3. Annars vegar er það núverandi þjálfarateymi hjá HK, Brynjar Björn og, Viktor Bjarki. Traustið sem þeir hafa sýnt mér er ómetanlegt. Hins vegar er það Arnar Hallsson sem var þjálfarinn minn í 4. og 3. flokki hjá HK. Undir honum tók ég líklega hvað mestum framförum á ferlinum hingað til. Hann byggði upp mikinn metnað hjá mér sem ég hef byggt á síðan þá.

Mest óþolandi leikmaður sem þú hefur mætt: Djuric fær þennan heiður, drengurinn er alltaf í jörðinni.

Sætasti sigurinn: Þegar við unnum Blika í úrslitum á Íslandsmótinu í 5. flokki. Staðan var 2-2 þegar tvær mínútur voru eftir af leiknum og við skoruðum eitthvað fáranlegasta mark sem ég hef séð sem tryggði okkur jafnframt sigurinn. Extra sætur sigur gegn Blikum.

Mestu vonbrigðin: Komast ekki upp úr riðlinum á EM með u-17.

Uppáhalds lið í enska: Arsenal

Ef þú fengir að velja einn leikmann úr öðru íslensku liði í þitt lið: Róbert Orra. Væri sætt að sjá Róbert Orra fara úr Blikum yfir í HK

Efnilegasti knattspyrnumaður/kona landsins: Ísak Bergmann

Fallegasti knattspyrnumaðurinn á Íslandi: Eyþór Wöhler

Fallegasta knattspyrnukonan á Íslandi: María Lena

Besti knattspyrnumaðurinn frá upphafi: Ronaldinho

Hver er mesti höstlerinn í liðinu: Breki Muntaga, drengurinn er aldrei með minna en 20 snöp frá stelpum í símanum sínum.

Uppáhalds staður á Íslandi: Alltaf Kópavogurinn

Segðu okkur frá skemmtilegu atviki sem gerst hefur í leik: Í úrslitum á Íslandsmótinu í 5. flokki skaut ég á markið og Breki Muntaga (liðsfélagi) strauk boltann og boltinn fór í markið en enginn vissi hver átti markið þannig að helmingurinn af liðsfélögunum fögnuðu með mér og hinn helmingurinn með Breka. Við rífumst enn um það hver átti markið.

Hvað er það síðasta sem þú gerir áður en þú ferð að sofa: Horfa á Friends eða Tik Tok.

Fyrir utan knattspyrnu, fylgist þú með öðrum íþróttum: Finnst skemmtilegt að horfa á handbolta.

Í hvernig fótboltaskóm spilar þú: Nike vapor

Í hverju varstu/ertu lélegastur í skóla: Ensku og dönsku

Vandræðalegasta augnablik: Er ekki með eitthvað vandræðalegasta augnablikið en það var smá vandræðalegt þegar Davíð Þór Viðarsson reif mig úr stuttbuxunum í leik og þegar maður horfði á það í Pepsi mörkunum.

Hvaða þrjá leikmenn tækir þú með þér á eyðieyju: Myndi taka Arnar Freyr Ólafsson því hann myndi halda okkur í góðu formi á þessari eyju. Myndi taka Kristall með svo maður gæti hlustað á þvæluna sem kemur úr honum og hlegið af því. Síðan myndi ég taka Breka Muntaga því stelpurnar væru fljótar að átta sig á því að eitthvað væri að ef hann væri ekki að senda snöp til þeirra og fólk myndi hefja leit að honum.

Sturluð staðreynd um sjálfan þig: Hef verið með 5 kæki.

Hvaða samherji hefur komið þér mest á óvart eftir að þú kynntist honum og af hverju: Ásgeir Börkur, var alveg smá stressaður að mæta honum á fyrstu æfingunum því allir vinir mínir voru að segja hann myndi tækla alla og vera klikkaður inn á vellinum á æfingum en hann er langt frá því sem betur fer. Geggjaður náungi innan sem utan vallar.

Hverju laugstu síðast: Laug að kærustinni að ég myndi taka fáa leiki í Pro Clubs með strákunum

Hvað er leiðinlegast að gera á æfingum: Hita upp og teygja eftir æfingar

Nú er tími Covid-19 hvernig er “venjulegur” dagur: Skóli 9:00-15:00 í fjarnámi, síðan styrktaræfing heima eða hlaup. Síðan er það bolti eða bara chill heima í football manager, playstation eða horfa á netflix.