Þýskaland: Augsburg skellti Schalke

Mynd: Getty Images

Schalke 0 - 3 Augsburg
0-1 Eduard Lowen ('6)
0-2 Noah Sarenren Bazee ('76)
0-3 Sergio Cordova ('91)

David Wagner, fyrrum stjóri Huddersfield og núverandi þjálfari Schalke, fékk að heyra mikið af baulum er Schalke steinlá gegn Augsburg í dag. Alfreð Finnbogason var ekki í hópi hjá Augsburg vegna meiðsla.

Eduard Lowen kom Augsburg yfir snemma leiks með marki beint úr aukaspyrnu. Hann hitti knöttinn vel en hægt er að setja spurningarmerki við Markus Schubert á milli stanganna hjá Schalke, sem átti skelfilegan leik gegn Borussia Dortmund um síðustu helgi.

Heimamenn héldu boltanum vel innan liðsins en ógnuðu lítið. Bæði lið fengu færi en tókst ekki að skora fyrr en á 76. mínútu, þegar Noah Sarenren Bazee tvöfaldaði forystu Augsburg eftir slaka varnarvinnu Salif Sane og Jonjoe Kenny.

Heimamenn reyndu að blása til sóknar en sköpuðu litla hættu. Þriðja mark gestanna kom í uppbótartíma eftir slæm mistök í varnarleik Schalke. Sergio Cordova stal knettinum af Levent Mercan og hljóp framhjá markverðinum áður en hann skoraði í autt netið.

Þetta er níundi leikurinn í röð sem Schalke er án sigurs. Liðið er í sjötta sæti, tveimur stigum frá Wolfsburg í Evrópudeildarsæti.

Sigurinn kemur sér afar vel fyrir Augsburg sem er núna sjö stigum frá fallsvæðinu.

Mynd: Getty Images

Stöðutafla

#	Lið	L	mun	Stig
1	Bayern	34	+86	89
1	Borussia D.	2	+5	6
2	Bayern	2	+4	6
2	Borussia D.	34	+36	73
3	RB Leipzig	34	+19	65
3	Hamburger	2	+3	6
4	Stuttgart	34	+22	62
4	Borussia M.	2	+1	4
5	Hoffenheim	2	+1	4
5	Hoffenheim	34	+13	61
6	Bayer	34	+21	59
6	Freiburg	2	+1	4
7	Freiburg	34	-6	47
7	Schalke 04	1	+2	3
8	Hannover	1	+1	3
8	Eintracht Frankfurt	34	-4	44
9	Augsburg	34	-16	43
9	Hertha	2	0	3
10	Stuttgart	2	-1	3
10	Mainz	34	-9	40
11	Wolfsburg	2	-2	3
11	Union Berlin	34	-14	39
12	Borussia M.	34	-11	38
12	Augsburg	2	-1	1
13	Hamburger	34	-14	38
13	Eintracht Frankfurt	2	-1	1
14	Koln	34	-14	32
14	Bayer	2	-2	1
15	Mainz	2	-2	0
15	Werder	34	-23	32
16	Koln	2	-3	0
16	Wolfsburg	34	-24	29
17	RB Leipzig	2	-3	0
17	Heidenheim	34	-31	26
18	St. Pauli	34	-31	26
18	Werder	2	-3	0