Davíð Smári Lamude, þjálfari Kórdrengja
„Baráttuglatt lið sem barðist um alla bolta og bara gerðu vel. Mér fannst við aftur á móti sýna mjög þroskaða frammistöðu, við stressuðumst ekkert og vorum þolinmóðir. Við vissum að það var það sem þyrfti í þetta verkefni í dag og kláruðum það bara með sæmd finnst mér." sagði Davíð Smári eftir sigur sinna manna gegn Hvíta riddaranum í 32-liða úrslitum Mjólkurbikarsins.
Lestu um leikinn: Hvíti riddarinn 0 - 2 Kórdrengir
Hvernig lögðuð þið leikinn upp?
„Eins og ég sagði, við ætluðum bara að vera þolinmóðir og vera með hratt tempó á boltanum og spila leikinn nákvæmlega eins og við spiluðum hann."
Aðspurður hvort það hafi þá ekki komið á óvart hversu lengi hans menn voru að skora hafði hann þetta að segja:
„Nei, við vissum að þetta væri mjög baráttuglatt lið og væru öflugir í fyrsta og annan bolta, sérstaklega á miðsvæðinu. Þeir myndu svo sem ekki vera mikið með boltann og það var svo sem þannig í dag. Þeir fengu fá færi, tvö í heildina held ég en eins og ég segi, leikurinn spilaðist bara eins og við héldum."
Viðtalið má sjá í heild sinni hér að ofan
Athugasemdir
