Við eigum einfaldalega skilið að vinna og vorum smá aular að klára þetta ekki en við vorum að spila á móti liði með fullt sjálfstraust og við búnir að vera í brekku og ekki góðir undanfarið en þetta var svona næstum því. Sagði Matthías Vilhjálmsson fyrirliði FH eftir 0 - 0 jafntefli við Breiðablik í 14. umferð Bestu deildar karla í kvöld.
Lestu um leikinn: FH 0 - 0 Breiðablik
Við fengum fullt af færum, sérstaklega í fyrri hálfleik til að skora fyrsta markið en Blikar gerðu þetta ágætilega í seinni hálfleik að loka á okkur.
Við getum byggt á að við erum að halda hreinu, langt síðan það hefur gerst. Svo er það bara það að koma boltanum inn fyrir línuna og það er svona næstum því hjá okkur þessa dagana.
Það eru vonbrigði að hafa ekki náð að nýta liðsmunin betur, sérstaklega hér á heimavelli og við vorum að skapa helling í fyrri hálfleik og alltaf þegar við vorum þolinmóðir og vorum að stimpla þá vel frá hægri til vinstri og þá opnuðust gáttir.
Nánar er rætt við Matta í sjónvarpinu hér að ofan.