Championship: Hull upp í fjórða sætið

Hull City vann fjórða sigur sinn á tímabilinu er liðið lagði Stoke City að velli, 3-1, í ensku B-deildinni í dag.

Aaron Connolly og Adama Traore komu Hull í þægilega forystu á tveimur mínútum þegar stundarfjórðungur var eftir af fyrri hálfleiknum og gerði Regan Slater út um leikinn með þriðja markinu tuttugu mínútum fyrir leikslok.

Andre Vidigal minnkaði muninn á 77. mínútu en það gerði lítið fyrir Stoke sem var að tapa fimmta leik sínum á tímabilinu.

Hull er í 4. sæti með 15 stig en Stoke er í 20. sæti með aðeins 7 stig.