Championship: Clucas og McClean tryggðu Stoke sigur

Einn leikur fór í dag fram í ensku Championship deildinni. Stoke mætti Swansea á heimavelli sínum, Bet365 leikvangiinum. Sam Clucas skoraði fyrsta mark leiksins þegar hann skoraði með skoti fyrir utan teig eftir sendingu frá Joe Allen á 55. mínútu.

Það var svo James McClean sem innisglaði sigurinn með marki snemma í uppbótartíma. McClean skoraði með vinstri fótar skoti í nærhornið.

2-0 heimasigur Stoke staðreynd og var þetta annar sigur liðsins í röð. Swansea er í 7. sæti deidlarinnar og missti af góðu tækifæri á að komast í umspilssæti. Stoke fjarlægðist á meðan fallsvæðið en liðið er nú með sjö stigum meira en Barnsley sem er í þriðja neðsta sæti.