Spænski boltinn byrjar að rúlla í hádeginu þegar botnlið Espanyol tekur á móti Athletic Bilbao í beinni útsendingu á Stöð 2 Sport 2.

Espanyol vann frækinn sigur á útivelli gegn Villarreal í síðustu umferð og þarf annan sigur til að rífa sig úr botnsætinu. Bilbao er aftur á móti í harðri Evrópubaráttu en þó aðeins búið að ná sér í fjögur stig úr síðustu fimm leikjum.

Stórleikur helgarinnar hefst klukkan 15:00 þegar Valencia tekur á móti toppliði Barcelona. Þetta verður þriðji leikur Quique Setien við stjórnvölinn hjá Barca eftir sigra gegn Granada og Ibiza í fyrstu tveimur.

Valencia er fjórum stigum frá Meistaradeildarsæti sem stendur á meðan Börsungar þurfa sigur enda í harðri toppbaráttu við Real Madrid þessa stundina. Stórveldin eru jöfn með 43 stig eftir 20 umferðir.

Alaves og Villarreal eigast svo við áður en Sevilla tekur á móti Granada í síðasta leik kvöldsins.

Sevilla er í fjórða sæti og getur reynt að brúa bilið milli sín og toppliðanna með sigri. Granada er búið að tapa þremur af síðustu fjórum leikjum og er fjórum stigum frá Evrópusæti.

Leikir dagsins:
12:00 Espanyol - Athletic Bilbao (Stöð 2 Sport 2)
15:00 Valencia - Barcelona (Stöð 2 Sport 3)
17:30 Alaves - Villarreal
20:00 Sevilla - Granada (Stöð 2 Sport)

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit