Spá Man Utd fjórða sætinu - Lukaku og Sancho mestu floppin

Martin Keown, fyrrum leikmaður Arsenal.

Mynd: Getty Images

Lukaku hefur ekki staðið undir væntingum.

Mynd: Getty Images

Martin Keown, fyrrum leikmaður Arsenal.

Mynd: Getty Images

Daily Mail fékk sérfræðinga sína, Chris Sutton og Martin Keown fyrrum leikmenn í enska boltanum, til að spá í spilin og svara nokkrum spurningum um ensku úrvalsdeildina.

Þeir spáðu meðal annars í það hvaða lið mun enda í hinu eftirsótta fjórða sæti og komast þar með í Meistaradeild Evrópu. Báðir spá Manchester United fjórða sætinu.

„Með þennan leikmannahóp á Manchester United að hafa þetta. Eftir sigrana að undanförnu held ég að sjálfstraustið fleyti United áfram," segir Keown.

„Ég veðja líka á United. Ég er samt ekki alveg sannfærður um þá. Ég held að Ralf Rangnick, leikmenn og stuðningsmenn séu heldur ekki sannfærðir," segir Sutton.

Lukaku og Sancho mestu vonbrigðin
Hvaða leikmaður hefur verið mestu vonbrigðin á tímabilinu?

„Romelu Lukaku. Ég hélt að hann myndi gera gæfumuninn og Chelsea væri líklegast til að verða Englandsmeistari vegna marka frá honum. Það hefur hinsvegar ekki gerst. Hann hefur aðeins skorað tvívegis í ensku úrvalsdeildinni síðan í september og kom stjóranum í klemmu eftir vanhugsað viðtal. Hann hefur verið mestu vonbrigði tímabilsins," segir Sutton.

„Ég ætla að velja Jadon Sancho. Hann hefur ekki staðið undir væntingum en það er klárt að hæfileikarnir eru til staðar. Hann á enn möguleika á því að snúa sínu gengi og gengi United við," segir Keown.

Lukaku hefur ekki staðið undir væntingum.

Mynd: Getty Images

Stöðutafla

#	Lið	L	mun	Stig
1	Man City	2	+4	6
2	Arsenal	2	+4	6
3	Hull City	2	+3	6
4	Chelsea	2	+2	6
5	Liverpool	3	+2	5
6	Brentford	2	+3	4
7	Newcastle	2	+2	4
8	Everton	2	+2	4
9	Leeds	2	+1	4
10	Brighton	2	+3	3
11	Man Utd	2	+1	3
12	Sunderland	2	0	3
13	Ipswich Town	3	-4	3
14	Bournemouth	2	-1	1
15	Nott. Forest	2	-1	1
16	Fulham	2	-2	0
17	Coventry	2	-4	0
18	Crystal Palace	2	-5	0
19	Aston Villa	2	-5	0
20	Tottenham	2	-5	0