„Þetta var kaflaskiptur leikur, veðrið hafði mikið áhrif á leikinn í fyrri hálfleik og í seinni hálfleik datt það niður. Við áttum ágætis kafla í fyrri hálfleik, hefðum viljað eiga lengri kafla. Mér fannst við fá tækifæri til að sækja betur á vissum augnablikum. Við komumst yfir og erum solid en gefum kannski mörkin," sagði Þorvaldur Örlygsson, þjálfari Stjörnunnar, eftir tap gegn Víkingi í dag.

„Við verjumst vel, erum skipulagðir í því og erum að berjast fyrir stigum og lífi okkar. Við höldum því áfram."

Lestu um leikinn: Víkingur R. 3 -  2 Stjarnan

Varstu ánægður með það hvernig skiptingarnar heppnuðust?

„Ég er svo sem ekki búinn að velta því fyrir mér. Við fengum meiri hraða og fengum meiri kraft. Þeir komu ágætlega inn en í heildina, yfir leikinn, var margt gott og margt ekki nógu gott enda töpuðum við 3-2."

Toddi sagði þá að lokum að hann eigi ekki von á því að það verði breytingar á leikmannahópi Stjörnunnar á næstunni.

Viðtalið í heild má sjá í spilaranum að ofan en þar er Toddi meðal annars spurður út í höggið sem Brynjar Gauti Guðjónsson fékk í síðasta leik.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit