Diego Godin til Cagliari (Staðfest)

Cagliari hefur formlega tilkynnt um komu Diego Godin frá Inter og gert þriggja ára samning við úrúgvæska varnarmanninn.

<i>„Það er með ánægju sem Cagliari Calcio tilkynnir um komu Diego Godin frá Inter,"</i> segir í yfirlýsingu.

Godin er 34 ára gamall og gekk í raðir Inter í fyrra eftir níu ára dvöl hjá Atletico Madrid.

Í heildina spilaði hann 36 leiki fyrir Inter á síðustu leiktíð en félagið telur sig ekki hafa not fyrir þessa goðsögn lengur.

Godin, sem á 135 leiki að baki fyrir Úrúgvæ, mun ganga beint inn í byrjunarliðið hjá Cagliari þar sem hann gæti spilað við hlið Ragnar Klavan fyrrum varnarmanns Liverpool.