„Við erum virkilega stoltir, þetta er flott afrek," sagði Sigurður Ragnar Eyjólfsson eftir tap gegn ÍA í lokaumferð Pepsi Max-deildarinnar.

Keflavík heldur sér uppi og verður einnig í efstu deild að ári.

Lestu um leikinn: Keflavík 2 -  3 ÍA

Keflvíkingar enduðu mótið ekki vel. Þeir náðu 2-0 forystu í dag en enduðu á því að tapa 2-3.

„Við gerðum mjög vel megnið af leiknum. Við hleypum þeim inn í leikinn með klaufalegu marki. Mér fannst að Sindri hefði átt að verja það, en það gefur Skagamönnum von. Svo lágu þeir á okkur með vindinn í bakið. Mér fannst mörkin samt klaufaleg."

„Það er erfitt að mæta þeim. Ég vil óska þeim til hamingju með að ná að halda sér uppi."

ÍA og Keflavík mætast svo í undanúrslitum Mjólkurbikarsins.

„ÍA er fjórða liðið úr Pepsi Max-deildinni sem við mætum. Ef við náum að vinna þá, þá er það bikarúrslitaleikur. Við stefnum þangað," sagði Siggi Raggi.

Allt viðtalið má sjá hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit