Vilja Anderson frekar en Wharton - Napoli á eftir Mainoo - Atlético í baráttuna um Guehi
   sun 25. október 2020 07:30
Ívan Guðjón Baldursson
Koeman: VAR bara notað til að dæma gegn Barca
Ronald Koeman hefur ekki farið vel af stað við stjórnvölinn hjá Barcelona og er liðið aðeins með sjö stig eftir fimm fyrstu umferðirnar í spænsku deildinni.

Barca tapaði fjandslagnum gegn Real Madrid á heimavelli í gær og var það annað tap liðsins í röð í deildinni. Koeman var ekki sáttur að leikslokum og kvartaði sérstaklega undir vítaspyrnudómi á 62. mínútu.

Sergio Ramos féll þá innan vítateigs og eftir að hafa skoðað atvikið á skjánum sínum dæmdi dómarinn vítaspyrnu. Hér var um ansi augljóst peysutog að ræða, þar sem Clement Lenglet hélt í treyju Ramos innan vítateigs. Fyrirliðinn Ramos steig sjálfur á punktinn og kom Real Madrid yfir, staðan orðin 1-2.

„Ég skil ekki VAR, ég held það sé bara notað til að dæma gegn Barcelona. Það er alltaf rifið smá í treyjur innan teigs og mér finnst Ramos brjóta fyrst á Lenglet. Hann reif aðeins í treyjuna en alls ekki nóg til að láta Ramos falla eins og hann gerði, fyrir mér er þetta ekki vítaspyrna," sagði Koeman að leikslokum.

„Við erum búnir að spila fimm leiki í deildinni og VAR hefur bara verið notað gegn Barca, engin ákvörðun hefur fallið með okkur. Þessi ákvörðun hafði úrslitaáhrif á leikinn því við vorum að spila mjög vel fram að vítaspyrnudómnum."

Ramos var ekki sammála Koeman og tjáði sig stuttlega um vítaspyrnudóminn að leikslokum.

„Þetta var mjög augljós vítaspyrna. Hann reif í treyjuna mína þegar ég var að stökkva í boltann. Það er ósanngjarnt að gagnrýna dómara fyrir að taka augljóslega rétta ákvörðun."

Stöðutaflan Spánn La Liga - karlar
  L U J T ms: mf: mun Stig
1 Barcelona 14 11 1 2 39 16 +23 34
2 Real Madrid 13 10 2 1 28 12 +16 32
3 Atletico Madrid 14 9 4 1 27 11 +16 31
4 Villarreal 13 9 2 2 26 11 +15 29
5 Betis 13 5 6 2 20 14 +6 21
6 Espanyol 13 6 3 4 17 16 +1 21
7 Getafe 14 6 2 6 13 15 -2 20
8 Athletic 14 6 2 6 14 17 -3 20
9 Real Sociedad 13 4 4 5 17 18 -1 16
10 Sevilla 13 5 1 7 19 21 -2 16
11 Celta 13 3 7 3 16 18 -2 16
12 Elche 14 3 7 4 15 17 -2 16
13 Vallecano 13 4 4 5 12 14 -2 16
14 Alaves 14 4 3 7 12 15 -3 15
15 Mallorca 14 3 4 7 15 22 -7 13
16 Valencia 13 3 4 6 12 21 -9 13
17 Osasuna 14 3 3 8 12 18 -6 12
18 Girona 13 2 5 6 12 25 -13 11
19 Levante 14 2 3 9 16 26 -10 9
20 Oviedo 14 2 3 9 7 22 -15 9
Athugasemdir
banner