Everton hafa verið óheppnir með meiðsli í HM hlénu og var miðjumaðurinn James Garner að bætast við meiðslalistann. Garner meiddist í baki og missir af næstu vikum.
Hinn 21 árs gamli Garner verður frá í um tvo mánuði vegna meiðslanna en hann gekk til liðs við Everton frá Manchester United í sumar fyrir um 9 milljónir punda.
Garner hefur aðeins spilað einn byrjunarliðsleik, tap gegn Bournemouth í deildabikarnum, og komið sex sinnum inn af bekknum í úrvalsdeildinni.
Leikmannahópur Everton er í æfingabúðum í Ástralíu yfir fyrstu daga HM-frísins. Þar mætti liðið meðal annars Celtic í æfingaleik en Garner ferðaðist ekki með.
„Hann kemur líklega aftur undir lok janúar eða í byrjun febrúar. Þetta eru svekkjandi meiðsli," sagði Frank Lampard knattspyrnustjóri, sem er einnig nýbúinn að missa Tom Davies og Yerry Mina í meiðsli.
„Tom og Yerry ættu að vera þrjár til fjórar vikur, við vonum að þeir verði klárir í slaginn fyrir jólatörnina."
Dominic Calvert-Lewin, Mason Holgate og Andros Townsend eru einnig á meiðslalistanum á meðan Abdoulaye Doucoure er að ná sér eftir meiðsli.
Everton er í 17. sæti úrvalsdeildarinnar með 14 stig eftir 15 umferðir.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 30 | 20 | 7 | 3 | 59 | 22 | +37 | 67 |
| 2 | Man City | 29 | 18 | 6 | 5 | 59 | 27 | +32 | 60 |
| 3 | Man Utd | 29 | 14 | 9 | 6 | 51 | 40 | +11 | 51 |
| 4 | Aston Villa | 29 | 15 | 6 | 8 | 39 | 34 | +5 | 51 |
| 5 | Chelsea | 29 | 13 | 9 | 7 | 53 | 34 | +19 | 48 |
| 6 | Liverpool | 29 | 14 | 6 | 9 | 48 | 39 | +9 | 48 |
| 7 | Brentford | 29 | 13 | 5 | 11 | 44 | 40 | +4 | 44 |
| 8 | Everton | 29 | 12 | 7 | 10 | 34 | 33 | +1 | 43 |
| 9 | Bournemouth | 29 | 9 | 13 | 7 | 44 | 46 | -2 | 40 |
| 10 | Fulham | 29 | 12 | 4 | 13 | 40 | 43 | -3 | 40 |
| 11 | Sunderland | 29 | 10 | 10 | 9 | 30 | 34 | -4 | 40 |
| 12 | Newcastle | 29 | 11 | 6 | 12 | 42 | 43 | -1 | 39 |
| 13 | Crystal Palace | 29 | 10 | 8 | 11 | 33 | 35 | -2 | 38 |
| 14 | Brighton | 29 | 9 | 10 | 10 | 38 | 36 | +2 | 37 |
| 15 | Leeds | 29 | 7 | 10 | 12 | 37 | 48 | -11 | 31 |
| 16 | Tottenham | 29 | 7 | 8 | 14 | 39 | 46 | -7 | 29 |
| 17 | Nott. Forest | 29 | 7 | 7 | 15 | 28 | 43 | -15 | 28 |
| 18 | West Ham | 29 | 7 | 7 | 15 | 35 | 54 | -19 | 28 |
| 19 | Burnley | 29 | 4 | 7 | 18 | 32 | 58 | -26 | 19 |
| 20 | Wolves | 30 | 3 | 7 | 20 | 22 | 52 | -30 | 16 |
