Zouma búinn í aðgerð á hné

Leikurinn gegn Leicester var sá síðasti fyrir HM hlé og munu Hamrarnir sakna Zouma í jólatörninni.

Hinn 28 ára Zouma er lykilmaður í varnarleik West Ham og er búinn að spila 15 leiki á tímabilinu.

Hann fór í fréttirnar í sumar þegar myndband af honum að misþyrma köttunum sínum og hlæja var lekið í fjölmiðla. Áhorfendur baula á Zouma en hann virðist einungis styrkjast við það og hefur reynst ansi drjúgur fyrir sína menn.

West Ham óskaði Zouma góðs bata með yfirlýsingu en greindi ekki frá því hversu langan tíma það tæki varnarmanninn að ná sér.