Fótbolti.net

Kennie: Líður eins og ég sé 25 ára

Ólafur Ingi: Þurfum að vinna í andlega þættinum

Rúnar Kristins: Búnir að vinna í þessu í tvö og hálft ár

Svekktur fyrirliði Vals: Vorum ekki nógu góðar til að verðskulda sigur

Lárus Orri: Þá ertu annaðhvort í fallbaráttu eða í baráttu um Evrópusæti

Jói Kalli: Auðvitað er þetta á minni ábyrgð

Böddi: Hjálpaði til að FH var í einhverjum nýjum lit af búning

Skoraði sigurmarkið og grínaðist með samherjann - „Rósey hendir einhverju góðu á hana“

Ray Anthony: Grenjum í kvöld

Maggi: Ákall á Mosfellinga

Brynjar Björn: Það er klárt brot á Óla

Heimir Guðjóns: Hann á skilið freyðivín frá mér

Badu: Ég held að ástæðan sé mun einfaldari en metnaðarleysi

„Þeir skapa nánast ekki færi í fyrri hálfleik, skora samt tvö mörk úr þessum hornum sínum"

Mattías Kjeld: Valur gat ekki lofað mér mínútum

Nenad: Búið að vera töfrasirkús

Jóhann Birnir: Eitthvað kæruleysi hjá öllum

„Þá er ég ekki það grænn og vitlaus að ég get alltaf hrósað okkur fyrir frábært spil og ægilega óheppnir"

Borja: Allt of dýrt að fá á sig mörk úr föstum leikatriðum

Gunnar Heiðar: Þetta er erfiðasta fæðing sem ég hef séð

fim 26. mars 2026 07:30

Elvar Geir Magnússon
Toronto

Kristall Máni: Fer mér bara vel að vera óþolandi

Kristall í rútunni á leið á æfingu í gær.

Mynd: KSÍ

Kristall Máni Ingason, leikmaður Brann, er í fyrsta sinn í íslenska landsliðshópnum í alþjóðlegum landsleikjaglugga. Framundan eru vináttulandsleikir; gegn Kanada á laugardag og Haítí á þriðjudag. Báðir leikirnir verða spilaðir í Toronto.

Kristall ræddi við Fótbolta.net á liðshótelinu.

„Það er alltaf gaman að vera í landsliðshópnum og auðvitað er maður ánægður að vera í fyrsta sinn í svona almennilegum glugga. Maður fékk smá fiðring í magann að fá loksins kallið. Það tók smá tíma að átta sig á því," segir Kristall.

Landsliðsþjálfarinn Arnar Gunnlaugsson þekkir vel til Kristals og sagði á fréttamannafundi að hann kæmi með ákveðna skapgerð og ákveðinn anda í hópinn. Hann lýsti honum sem „óþolandi á jákvæðan hátt".

19.03.2026 11:46

Arnar: Kristall er óþolandi á jákvæðan hátt

Getur Kristall kvittað undir þessi orð Arnars?

„Já já maður getur alveg verið óþolandi, ég ætla ekki að ljúga öðru. En maður er orðinn aðeins öðruvísi en hjá Arnari með Víking. Maður leggur svolítið upp með að vera óþolandi á vellinum. Það er kannski minn leikur. Þegar maður finnur að liðið þurfi einn óþolandi þá tekur maður það stundum að sér. Það fer mér bara vel," segir Kristall sem vonast að sjálsögðu eftir að fá spiltíma í leikjunum sem eru framundan.

„Ef maður fær einhverjar mínútur sama hversu margar þær verða þá mætir maður inn á völlinn og spilar sinn leik, nýtur þess að spila fyrir Ísland. Ég tek öllu."

Kristall var að stíga upp úr meiðslum en hann var ekki með Brann í fyrstu umferð norsku deildarinnar en kom við sögu um síðustu helgi.

„Ég meiddist rétt fyrir byrjun tímabilsins í Noregi. Ég fékk aðeins í nárann en ég myndi segja að ég væri orðinn alveg 100%. Æfingin í gær var frekar róleg en sjáum hvernig þetta verður í dag." (Viðtalið var tekið í gær)

Viðtalið má sjá í heild í sjónvarpinu hér að ofan en þar ræðir Kristall meðal annars um skipti sín í Brann.