Championship: Cardiff fallið - Plymouth þarf kraftaverk

Guðlaugur Victor spilaði frábæran leik í 2-1 sigri Plymouth á Stefáni Teit Þórðarsyni og hans mönnum í Preston, en báðir voru í byrjunarliðinu í sannkölluðum fallbaráttuslag.

Varnarmaðurinn var einn af bestu mönnum Plymouth, en þrátt fyrir frábæran lokasprett hjá liðinu í deildinni er útlit fyrir að liðið falli í ár.

Plymouth er í næst neðsta sæti með 46 stig, þremur stigum frá öruggu sæti og með talsvert slakari markatölu en liðin fyrir ofan.

Liðið er með -36 en Luton, sem er í næsta örugga sæti er með -22 og þremur stigum meira. Plymouth þarf því að vinna öflugt lið Leeds, treysta á að Luton verði niðurlægt á útivelli gegn WBA og að Hull tapi stigum.

Preston er á meðan í öruggu sæti með 49 stig og þokkalega markatölu. Liðið þarf því ekki að hafa neinar sérstakar áhyggjur af því að falla.

Cardiff er fyrsta liðið til að falla á þessu tímabili eftir markalaust jafntefli liðsins gegn WBA. Cardiff er á botninum með 44 stig.

Blackburn 2 - 1 Watford
0-1 Matthew Pollock ('48 )
1-1 Todd Cantwell ('59 )
2-1 Tyrhys Dolan ('74 )

Cardiff City 0 - 0 West Brom

Hull City 0 - 1 Derby County
0-1 Nathaniel Phillips ('84 )

Middlesbrough 0 - 0 Norwich

Millwall 1 - 0 Swansea
1-0 George Saville ('38 )

Oxford United 2 - 0 Sunderland
1-0 Ben Nelson ('29 )
2-0 Michal Helik ('48 )

Preston NE 1 - 2 Plymouth
0-1 Mustapha Bundu ('14 )
0-2 Callum Wright ('75 )
1-2 Emil Riis Jakobsen ('90 )

Sheffield Wed 1 - 1 Portsmouth
1-0 Callum Paterson ('9 )
1-1 Harvey Blair ('23 )