Athletic Bilbao hefur nú leikið fimm leiki í efstu deild Spánar án þess að sigra eftir leik við Granada á heimavelli í kvöld.

Síðasti sigurleikur Athletic kom þann 23. október síðastliðinn gegn Villarreal en síðan þá hefur liðið gert þrjú jafntefli og tapað einni viðureign.

Athletic tók forystuna gegn Granada í kvöld en gestirnir bættu við tveimur mörkum stuttu eftir það og voru með 2-1 forystu í hálfleik.

Sjálfsmark Luis Maximiano tryggði Athletic svo eitt stig en hann skoraði í eigið net þegar 14 mínútur vou eftir.

Granada hefur aðeins unnið tvo leiki af 14 og er í 16. sætinu. Athletic er í því áttunda.

Diego Jóhannesson kom þá við sögu hjá Albacete í C-deildinni er liðið lék við Sanluqueno á útivelli.

Diego kom inná sem varamaður á 71. mínútu í leik sem lauk með 2-2 jafntefli.