Heimild: mbl.is
Emil Hallfreðsson spilar á Ítalíu.
Í morgun var greint frá því að Berglind Björg Þorvaldsdóttir færi ekki með kvennalandsliðinu í komandi verkefni vegna kórónaveirunnar sem hefur greinst á Ítalíu.
Veiran er að dreifast hratt um og á Ítalíu eru miklar ráðstafanir í gangi, fótboltaleikjum frestað og leikið fyrir luktum dyrum.
Veiran er að dreifast hratt um og á Ítalíu eru miklar ráðstafanir í gangi, fótboltaleikjum frestað og leikið fyrir luktum dyrum.
Þann 26. mars mun íslenska karlalandsliðið leika mikilvægan leik gegn Rúmeníu í umspilinu fyrir EM alls staðar. Sigurliðið ferðast svo í úrslitaleik gegn Ungverjalandi eða Búlgaríu.
„Við munum taka tillit til tilmæla og fyrirmæla stjórnvalda þegar nær dregur umspilsleikjunum og auðvitað vonumst við til þess að málin þróist í rétta átt. Að sjálfsögðu vonumst við til þess að allir leikmenn Íslands verði tilbúnir fyrir þennan tiltæka leik og ég á ekki von á neinu öðru," segir Guðni Bergsson, formaður KSÍ, í samtali við mbl.is.
„Við höldum áfram að fylgjast vel með og munum gera allar þær ráðstafanir sem við þurfum til þess að bæði spila þá leiki sem eiga að fara fram og eins nota alla þá leikmenn sem okkur standa til boða."
Flestir leikmanna íslenska landsliðsins spila á meginlandi Evrópu en útbreiðsla veirunnar hefur valdið miklum áhyggjum.
Athugasemdir
