Eggert Gunnþór Jónsson er á leið í FH samkvæmt því sem kom fram í hlaðvarpsþættinum Dr. Football í dag.
Hinn 31 árs gamli Eggert hefur verið á mála hjá danska félaginu SønderjyskE síðan árið 2017.
Eggert Gunnþór ólst upp hjá Fjarðabyggð en hann hefur spilað í atvinnumennsku erlendis síðan árið 2006.
Á þeim tíma hefur hann leikið með Hearts, Wolves, Charlton, Belenenses, FC Vestsjælland, Fleetwood og SønderjyskE.
Eggert getur spilað bæði á miðjunni og í vörninni en hann á 21 leik að baki með íslenska landsliðinu.
Athugasemdir