„Við vorum bara undir í baráttunni í fyrri hálfleik," sagði Davíð Smári, þjálfari Kórdrengja, eftir 1-3 tap á móti HK í Safamýri.
„Við sofnum aðeins á verðinum. Strákarnir segja að þetta hafi verið rangstaða í síðasta markinu þegar það var komið smá líf í leikinn staðan 1-2 svo skora þeir mark. Eins og ég segi ég veit ekki hvort það hafi verið rangstaða. Opna okkur ekki en þeir skora 3 mörk."
„Ósáttur með stöðuna í deildinni en við eigum ekkert meira skilið en þar sem við erum. Það er staðan. Eftir tvo góða sigra fannst manni að liðið væri aðeins að smella og værum orðnir þokkalega solid varnarlega en í dag fáum við á okkur 3 mörk."
