Balotelli byrjaði á bekknum hjá Adana í kvöld en kom við sögu undir lok leiks.

Framherjinn var greinilega eitthvað ósáttur við Montella og skiptust þeir á orðum áður en þjálfarinn snöggreiddist og ætlaði í Balotelli.

Ekki er vitað hvað Balotelli sagði við hann en það þurfti að aðskilja þá félaga í kjölfarið.

Balotelli er þekktur fyrir vandræði sín hvert sem hann fer og virðist hugarfar hans ekkert hafa breyst. Íslenski landsliðsfyrirliðinn Birkir Bjarnason er samherji Balotelli hjá Adana en myndskeið af atvikinu má sjá hér fyrir neðan.