Callum Wilson og Joelinton voru hetjurnar er Newcastle lagði Crystal Palace að velli í eina leik kvöldsins í ensku úrvalsdeildinni.

Staðan var markalaus í jöfnum leik þar sem bæði lið voru staðráðin í því að gefa ekkert eftir.

Bæði lið fengu fín færi en jafnræði ríkti á vellinum allt þar til undir lokin þegar stórkostlegt samspil Joelinton og Wilson skilaði sér með marki.

Rúmri mínútu síðar endurlaunaði Wilson greiðann og lagði hann upp fyrir Joelinton úr skyndisókn.

Newcastle stal stigunum með þessum mörkum og er liðið komið upp í tíunda sæti, með 14 stig eftir 10 umferðir. Crystal Palace er með 13 stig.

Það getur tekið tíma fyrir stöðutöfluna að uppfærast.