Fótbolti.net

Nýliðinn í landsliðinu á leið í Harvard - „Það var alveg smá mál"

Gerðist fljótt eftir leikinn gegn Víkingi - „Meiri séns á að verða betri leikmaður"

Heiður að fá svona mörg símtöl - Fékk góða gjöf eftir skiptin

Sér ekki eftir fríinu í nóvember - Heimslistinn spilaði inn í

Arnar Gunnlaugs: Það lélegt að ég hef gríðarlegar áhyggjur

Jón Sveins: Vorum klaufar að skora ekki fleiri mörk

„Hef trú á því að ég geti orðið betri leikmaður undir þeirra stjórn"

Skrítnari hlutir gerst í fótboltanum - „KR er fortíðin"

Grátlegt að missa af síðustu landsleikjum - „Aldrei heyrt um svona meiðsli"

Óviss hvert svarið yrði - „Mamma grét og fannst þetta mjög gaman"

Heyrði smell í síðasta sprettnum - „Náði að búa til límonaði úr þessu"

Björn Bragi gefur út Krakkakviss fótboltaspil

Aron Jóhannsson: Um leið og hann hringdi var þetta aldrei spurning

Gerði samkomulag við Samma - „Búinn að vonast eftir þessu síðustu ár"

„Forréttindi að hafa haft tvær Chelsea goðsagnir sem þjálfara"

Birkir Valur: HK hjartað er sterkt og slær hart

Aron Bjarna: Erfitt að keppa við félögin sem eru með mun hærra budget

Lánið lykill að frábæru gengi Norrköping - „Besta sem ég gat gert"

Valgeir: Ef ég hefði farið þá hefði tækifærið hjá Örebro ekki komið

„Í draumaheimi? Þá kæmi draumatilboð og þá væri maður ekki áfram"

sun 27. nóvember 2022 18:57

@saebjornth

Sæbjörn Þór Þórbergsson Steinke

Boltinn fór að rúlla eftir að samningnum var rift - „Mjög óraunverulegt að ég sé að fara út"

Sólveig gekk í raðir Vals fyrir tímabilið 2021. Hún hefur einnig leikið með Breiðabliki, Fylki og Aftureldingu á sínum ferli.

Mynd: Fótbolti.net - Hafliði Breiðfjörð

Sólveig verður 22 ára á morgun. Hún getur bæði spilað á kanti og fremst á vellinum.

Mynd: Fótbolti.net - Hafliði Breiðfjörð

Varð Íslandsmeistari bæði árin sín hjá Val.

Mynd: Fótbolti.net - Hafliði Breiðfjörð

„Eftir að ég rifti við Val fór boltinn að rúlla. Liðin sáu ekki strax að ég væri búinn að rifta en svo fékk ég skilaboð frá félögum og þetta kom bara í hendurnar á mér," sagði Sólveig Jóhannesdóttir Larsen við Fótbolta.net.

Hún gekk í raðir sænska félagsins Örebro fyrr í þessum mánuði eftir tvö tímabil með Val. Hún rifti samningi sínum við Val eftir að tímabilinu lauk og var því félagslaus í smá tíma.

„Já (þetta kom mér á óvart), en á sama tíma var Berglind (Rós Ágústsdóttir) þarna og þau eru að fylgjast með leikmönnum á Íslandi."

Var ákvörðunin að rifta erfið?

„Já, þetta var erfið ákvörðun. Svona óvissa er mjög óþægileg en þetta hefði ekki getað komið betur út þannig ég er mjög sátt. Auðvitað er alltaf áhætta að rifta við lið en maður getur alltaf fundið eitthvað ef tækifærin koma ekki strax."

Hvað langar hana að afreka hjá Örebro?

„Mig langar að bæta mig sem leikmann og að vera sjálfstæð, búa einhvers staðar úti, það er krefjandi. Mig langar að sjá öðruvísi fótboltamenningu og vera meiri atvinnumaður."

„Mig hefur dreymt um atvinnumennsku alveg frá því að ég byrjaði í fótbolta. Mér finnst þetta mjög óraunverulegt að ég sé að fara út, það er ekki alveg komið í hausinn á mér."

„Ég talaði við þjálfarann og spjallaði líka við Berglindi og leist mjög á það sem þau bæði höfðu að segja."

Hvaða ráð er Berglind að gefa Sólveigu?

„Hún er að gera mér ráð að vera frekar tímanlega með allt, fá mér kennitölu, sækja mér AppleTV og að ég ætti að vera undirbúin fyrir kuldann úti. Ég mun klárlega hafa samband við hana oftar einu sinni eftir að ég er komin út."

Sólveig gerir tveggja ára samning við sænska félagið. Horfir hún á þetta skref sem mögulegan stökkpall?

„Já, maður vill alltaf komast lengra, en Örebro er mjög gott lið og ég vil njóta þess að spila í þessi tvö ár."

Sólveig ræðir í viðtalinu um tímabilið og árin í Val, þjálfarann Pétur Pétursson, að spila með miklum reynsluboltum, upplifunin að spila bikarúrslitaleik og Meistaradeildarleiki og ýmislegt annað. Hún ræðir einnig um U23 landsliðsverkefnið í sumar og A-landsliðið.

Í lok viðtalsins var Sólveig spurð út í hvað hana langar til að afreka á sínum ferli.

„Það er alltaf A-landsliðið, og að spila í bestu deildunum; Þýskalandi, Spáni, Ítalíu eða Frakklandi. Nei, ég er ekki með neinn tímaramma. Ég vil fara með flæðinu, lifa í núinu. Allavega áður en ég verð 35 ára," sagði Sólveig og brosti.

Viðtalið í heild sinni má sjá í spilaranum hér að ofan.

Athugasemdir

Nýjustu fréttirnar