Championship: Leeds endurheimti toppsætið

Sheffield United komst tímabundið á toppinn með sigri liðsins í gær en Leeds var ekki lengi að endurheimta það.

Sam Byram skoraði stórskemmtilegt mark með karatesparki á 10. mínútu. Hann reyndi skot sem fór af varnarmanni og upp í loft, en í annarri tilraun ákvað hann að hlaða í skot sem minnti einna helst á karatespark og heppnaðist það fullkomlega.

Joel Piroe bætti við öðru á lokamínútu fyrri hálfleiks áður en Daniel James skoraði stórbrotið mark með því að lyfta boltanum við vítateigslínuna, yfirmarkvörð Luton og í netið.

Öruggur 3-0 sigur Leeds sem er nú með 35 stig í toppsæti deildarinnar en Luton í 16. sæti með 18 stig.

Arnór Sigurðsson var fjarri góðu gamni er Blackburn Rovers vann 1-0 útisigur á Middlesbrough. Blackburn er í 8. sæti með 25 stig.

Leeds 3 - 0 Luton
1-0 Sam Byram ('10 )
2-0 Joel Piroe ('45 )
3-0 Daniel James ('81 )

Cardiff City 0 - 2 QPR
0-1 Zan Celar ('40 )
0-2 Zan Celar ('90 )

Derby County 1 - 2 Swansea
0-1 Zan Vipotnik ('2 )
0-2 Ronald Pereira Martins ('14 )
1-2 Nathaniel Mendez-Laing ('65 , víti)

Middlesbrough 0 - 1 Blackburn
0-1 Dominic Hyam ('77 )