Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 28. janúar 2022 14:05
Sæbjörn Þór Þórbergsson Steinke
Róbert Hauks í Leikni (Staðfest)
Róbert Hauksson og Sigurður Heiðar Höskuldsson, þjálfari Leiknis.
Róbert Hauksson og Sigurður Heiðar Höskuldsson, þjálfari Leiknis.
Mynd: Leiknir
Mynd: Leiknir
Róbert Hauksson er genginn í raðir Leiknis frá Þrótti, hann var tilkynntur nýr leikmaður Leiknis í dag. Hann skrifaði undir samning út 2024.

Róbert er tvítugur sóknarleikmaður, getur bæði spilað á kantinum sem og fyrir aftan fremsta mann.

Róbert átti gott tímabil með Þrótti í Lengjudeildinni í fyrra, skoraði sex mörk í tuttugu leikjum og var að mörgum talinn besti leikmaður Þróttar á liðnu tímabili. Þróttur féll niður í 2. deild.

Leiknir kaupir Róbert af Þrótti og fær leikmaðurinn nú tækifæri á að spila í efstu deild í fyrsta sinn á ferlinum. Róbert er þriðji leikmaðurinn sem Leiknir hefur fengið á síðustu dögum og alls fimmti leikmaður sem félagið hefur fengið í sínar raðir frá því síðasta tímabili lauk.

Leiknir endaði í 3. sæti Fótbolta.net mótsins eftir sigur á ÍA í gær og í fyrra endaði liðið í 8. sæti Pepsi Max-deildarinnar.

Komnir
Mikkel Dahl frá Færeyjum
Mikkel Jakobsen frá Færeyjum
Óttar Bjarni Guðmundsson frá ÍA
Róbert Hauksson frá Þrótti R.
Sindri Björnsson frá Grindavík
Andi Hoti frá Þrótti R. (var á láni)

Farnir
Ágúst Leó Björnsson hættur
Birkir Björnsson í Þrótt R.
Ernir Bjarnason til Keflavíkur
Guy Smit í Val
Máni Austmann Hilmarsson í FH
Manga Escobar
Octavio Paez
Sólon Breki Leifsson hættur
Sævar Atli Magnússon til Danmerkur
Athugasemdir
banner
banner
banner