Það fer fram einn leikur í ensku úrvalsdeildinni á þessu föstudagskvöldi. Botnlið Norwich tekur á móti Leicester, sem er í þriðja sæti.

Norwich þarf nauðsynlega að fara að vinna fótboltaleiki til að halda sér í deild þeirra bestu á Englandi.

Byrjunarliðin fyrir leikinn, sem hefst klukkan 20:00, eru klár. Jamie Vardy, sem hefur ekki skorað í níu leikjum í röð, er ekki í hóp Leicester. Talið er að hann sé að glíma við smávægileg meiðsli.

Þá byrja miðjumennirnir Youri Tielemans og Wilfried Ndidi á bekknum. Tielemans hefur ekki verið að sýna sínar bestu hliðar að undanförnu og er Ndidi að stíga upp úr meiðslum.

Emiliano Buendia kemur inn í byrjunarlið Norwich fyrir Lukas Rupp frá 3-0 tapinu gegn Úlfunum.

Hér að neðan má sjá bæði byrjunarlið.

Byrjunarlið Norwich: Krul, Aarons, Godfrey, Hanley, Lewis, Tettey, McLean, Buendia, Duda, Cantwell, Pukki.
(Varamenn: McGovern, Rupp, Vrancic, Stiepermann, Trybull, Drmic, Idah)

Byrjunarlið Leicester: Schmeichel, Chilwell, Soyuncu, Evans, Pereira, Choudhury, Praet, Maddison, Barnes, Perez, Iheanacho.
(Varamenn: Ward, Justin, Morgan, Gray, Tielemans, Albrighton, Ndidi)

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit