„Þetta eru vonbrigði, það er ekki flókið," sagði Jóhannes Karl Guðjónsson, þjálfari ÍA, 7-1 tap gegn Breiðabliki í Lengjubikar karla.

„Þeir skoruðu eftir föst leikatriði og úr skyndisóknum. Við réðum ekki nægilega vel við það. Við vorum ágætlega skipulagðir og agaðir þegar við vorum í grunnstöðunum okkar, en pressan okkar virkaði ekki í dag."

Jóhannes Karl var þá spurður út í mál Harðar Inga Gunnarssonar, bakvarðar ÍA. Hörður Ingi hefur verið mikið í umræðunni undanfarið en uppeldisfélag hans FH hefur verið á höttunum á eftir honum.

Skagamenn hafa hafnað tilboðum FH-inga undanfarið en Cesare Marchetti, umboðsmaður Harðar, sagði við Fótbolta.net fyrir viku síðan að um hafi verið að ræða mettilboð fyrir leikmann á milli liða í Pepsi Max-deildinni.

Cesare sagði jafnframt að Hörður eigi inni bónusgreiðslur frá ÍA og að hann vilji fara frá félaginu. Þá var hann ósáttur við það að Hörður væri ekki að spila í sinni réttu stöðu hjá ÍA, hægri bakvarðarstöðunni.

„Ég hef ekki lagt það í minn vana að tjá mig um það sem misgáfaðir menn eru að segja," sagði Jói Kalli og bætti við: „Hörður hefur verið að spila vinstri bakvörð og hefur mikið spilað vinstri bakvörð í gegnum tíðina. Það vita það allir sem þekkja Hörð að hann getur alveg spilað hægra megin og vinstra megin. Hann hefur spilað vinstri bakvörð og gert það gríðarlega vel."

„Hörður er flottur leikmaður og er okkar leikmaður."

Hörður spilaði ekki í kvöld þar sem hann er á reynslu hjá Start í Noregi. Viðtalið við Jóa Kalla má sjá í heild sinni hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit