England í dag - Chelsea gegn Man Utd

Fimm leikir eru á dagskránni í ensku úrvalsdeildinni þennan sunnudaginn. Veislan hefst á stórleik Leicester og Arsenal sem fer fram á sama tíma og viðureign Crystal Palace og Fulham.

Næst tekur við heimsókn Burnley til Norður-Lundúna og svo er það stórleikur umferðarinnar þegar Chelsea mætir Man Utd í baráttunni um Meistaradeildarsæti. Man Utd hefur smá forskot en Chelsea hefur gengið betur eftir komu Tomas Tuchel í stjórasætið.

Dagskránni lýkur svo með uppgjöri Chris Wilder og Jurgen Klopp í Sheffield. Spurning hvort Púlarar rífi sig í gang eða haldi áfram í sama gírnum?

Enska úrvalsdeildin er á Síminn Sport.