Víkingur og Keflavík mætast í tíundu umferð í kvöld þar sem Víkingur mun spila í forkeppni Meistaradeildar Evrópu þegar umferðin fer fram í lok júní.

Við fengum Sævar Atla Magnússon, leikmann Lyngby, til að spá í umferðina, en við tökum það að það er ansi langt á milli leikja og því erfitt að spá fyrir um úrslit umferðarinnar.

Víkingur R. 3 - 1 Keflavík (Í kvöld klukkan 19:15)
Skelfilegt fyrir Keflvíkinga að mæta Víkingum eftir þennan skell sem þeir fengu uppá Skaga um helgina. Er búinn að reyna að fá vin minn hann Kristal að koma yfir í Adidas fjölskylduna og hann er kominn með Adidas X par og ef hann spilar í þeim skilar hann 2 mörkum það er 100%, Kalli potar inn einu líka. Ernir “Vélin” Bjarna skorar fyrir Keflavík með vélhestaspyrnu sem hann fattaði uppá sumarið 2020 mæli með að horfa mjög skemmtilegt að sjá þessa nýju spyrnutækni sem hann er búinn að búa til.

Fram 2 - 2 ÍBV (20. júní)
Ekki nema tæpir 2 mánuðir í næstu 5 leiki í þessari umferð en sem betur fer er ég góður að lesa í framtíðina. Ég var mikill Framari á árunum 2006-2014 og fór oft á Laugardalsvöllinn með Pabba og frændum mínum. Það var þungur hnífur þegar Jónas Grani fór í FH 2007 en framherjaduóið Hjálmar Þórarinsson og Ívar Múrari stigu heldur betur upp, þvílíkar minningar. En það er eitthvað sem segir mér að þessi leikur verði 6 stiga leikur. Andri Rúnar verður kominn í solid 11 km stand þarna og setur 2 og Albert Hafsteins setur 1 ásamt Almari Ormarssyni sem ég spái að verða kominn aftur heim í Fram.

Breiðablik 2 - 0 KA (20. júní)
Að fara á Kópavogsvöll og elta boltann nánast allan tímann er ekkert það skemmtilegt en samt valdeflandi og þetta verður þægilegur sigur fyrir Blikana. Jason Daði með eitt sólo mark og Ísak Snær með eitt þar sem hann hleypur með boltann inn í markið

Stjarnan 0 - 2 KR (20. júní)
Já skemmtilegur leikur, það er svona ungir gamlir á æfingu fílingur yfir þessum leik og það vita allir að það endar eiginlega alltaf að gamlir vinna með annað hvort smá svindli eða betra skipulagi og aga. Það verður eins í þessum leik ekki fallegt en solid sigur hjá KR-ingum. Stebbi Geirs skorar og póstar síðan eitthverju skrýtnu Insta story eftir leik.

Valur 0 - 1 Leiknir R. (21. júní)
Jájá ég verð 100% í stúkunni þarna með Leiknisljónunum að sækja 3 stig. Þetta verður sigur sem einkennist af ástríðu og skipulagi hjá mínum mönnum. Daði Bærings skorar sitt fyrsta deildarmark fyrir Leikni eftir að Árni Elvar(sem er einhleypur) skýtur í pabbabumbuna á honum og inn. Ég hef oft reynt að hjálpa Daða með að skora sitt fyrsta mark með því að skjóta i hann og inn en það tókst aldrei en ég veit að þeir hafa æft þetta stíft á æfingasvæðinu í vetur því þetta er líklegasta leiðin til þess að hann skori mark.

ÍA 1 - 2 FH (21. júní)
Það er alvöru andi í mekka fótboltans uppá skaga og hann verður sennilega bara út sumarið miðað við þessa skemmtilegu byrjun hjá þeim. Ég spái því að ÍA verði taplausir á heimavelli fyrir þennan leik en þar sem Vuk Oskar veit ekki hvað mekka þýðir mætir hann uppá Skaga og skorar 2 og nær í 3 punkta. Máni Austmann verður einnig að stýra umferðinni í þessum leik með sokkana niðri eins og Grealish og sennilega nýja hárgreiðslu ef ég þekki minn mann rétt.