Frá æfingu íslenska liðsins í Cardiff í dag.
Íslenska landsliðið er mætt til Cardiff í Wales en hér fer fram leikur liðsins við welska liðið í Þjóðadeild kvenna á föstudagskvöldið. Leikurinn er mjög mikilvægur en stig tryggir íslenska liðinu sæti í umspili um að halda sér í A-deildinni.
Það er fallegt veður en samt þó nokkuð svalt í Cardiff og þegar leikurinn fer fram á föstudaginn er búist við -2 gráðu frosti. Völlurinn er með undirhita svo það kemur ekkert að sök.
Liðið og föruneytið ferðaðist hingað til Cardiff í gær og komu upp á hótel um miðjan daginn. Allt gekk vel.
Um kvöldið kíkti hluti liðsins á jólastemmninguna í bænum en þar er búið að koma upp flottum skemmtigarði með tívolí stemmningu og eitthvað fyrir alla.
Fyrsta æfingin var svo steinsnar frá keppnisvellinum, Cardiff City Stadium rétt fyrir hádegið í dag. Jólaandinn sveif líka yfir þar því Glódís Perla Viggósdóttir fyrirliði hafði tekið saman uppáhalds jólalögin sín og þau voru spiluð í hátalara á æfingasvæðinu fyrir æfingu.
Allir leikmenn íslenska liðsins gátu tekið þátt í æfingunni og eru klárar í slaginn fyrir leikinn mikilvæga á föstudaginn.
Fótbolti.net er í Cardiff og síðar í dag og næstu daga munum við birta viðtöl og ljósmyndir af æfingasvæðinu. Hér að neðan má sjá nokkrar myndir sem Jónína Guðbjörg Guðbjartsdóttir tók á æfingunni í dag.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
