Man City gæti fallið úr leik í Meistaradeildinni - „Einbeittum okkur að deildinni"

Liðið hefur verið í miklu brasi á tímabilinu og eins og staðan er í dag er útlit fyrir að liðið verði ekki í titilbaráttu í úrvalsdeildinni. Josko Gvardiol er bjartsýnn fyrir leik kvöldsins.

„Við vorum fyrst um sinn ekki að hugsa um að ná í fleiri stig í Meistaradeildinni. VIð einbeittum okkur að deildinni og bikarkeppnunum. Nú erum við í þeirri stöðu og við þurfum að finna leið til að komast áfram og ég held að okkur takist það," sagði Gvardiol.

Liðið hefur verið eitt það besta í Evrópu undanfarin ár svo leikmennirnir þekkja það að spila leiki þar sem það er mikið undir.

„Það eru leikmenn sem hafa verið hérna lengi og hafa reynslu, þeir verða okkar lykilmenn. Við munum æfa vel og verðum klárir í slaginn," sagði Gvardiol.