Kvennalandsliðið æfir á Laugardalsvelli í þessum skrifuðu orðum en Gunnhildur Yrsa Jónsdóttir landsliðskona ræddi við Fótbolta.net fyrir æfinguna.
Uppselt er á stórleikinn gegn Þýskalandi á laugardaginn en Ísland er í harðri baráttu um að komast á HM í Frakklandi.
Uppselt er á stórleikinn gegn Þýskalandi á laugardaginn en Ísland er í harðri baráttu um að komast á HM í Frakklandi.
„Það er glæsilegt að það sé uppselt og hvað íþróttir eru orðnar stór hluti af íslensku samfélagi. Vonandi heldur mætingin svona áfram í öllum íþróttum, karla- og kvenna," segir Gunnhildur Yrsa.
„Ég held að spennustigið í liðinu sé gott. Við erum allar vanar því að spila svona stóra leiki og kunnum að halda okkur á rétta spennustiginu."
Ísland vann frækinn sigur í Þýskalandi og liðið trúir því að það geti unnið þýska liðið aftur.
„Það skemmtilega við íþróttir eru að allt getur gerst. Við ætlum bara að einbeita okkur að því að spila okkar besta leik. Við þurfum að spila þéttan varnarleik."
Gunnhildur Yrsa hefur verið að spila vel fyrir Utah Royals í Bandaríkjunum en í viðtalinu sem sjá má hér að ofan er einnig rætt um gengi hennar þar.
Staðan fyrir leikinn við Þjóðverja
Sigur á Þýskalandi = Ísland beint á HM
Jafntefli gegn Þýskalandi = Ísland þarf sigur á Tékkum til að fara á HM
Tap gegn Þjóðverjum = Ísland þarf sigur á Tékkum til að fara í umspil
