Sveinn Þór Steingrímsson
„Bara geggjað, við erum á lífi. Tímabilið heldur bara áfram og það er bullandi spenna í þessu og þannig villjum við hafa þetta." sagði Sveinn Þór Steingrímsson þjálfari Magna eftir 1-0 sigur á Þrótt Reykjavík.
Lestu um leikinn: Þróttur R. 0 - 1 Magni
Magnamenn unnu uppkastið fyrir leikinn og völdu að byrja undan sól. Sveinn var spurður hvort liðið hafi rætt þetta áður en liðið gékk inn á völlinn.
„Strákarnir sjá alveg um þetta, ég er ekki að spila leikinn. Þeir verða bara að finna tilfinninguna fyrir því hvoru megin þeir vilja byrja og annað og við unnum hlutkastið og strákarnir hafa pottþétt pælt í þessu."
Magni Grenvík spilaði þennan leik vel, vörðust vel og fengu fín færi. Hvernig fannst Sveini heildarframmistaða liðsins í kvöld?
„Mjög góður, mér fannst við höndla spennustigið vel. Við töluðum um fyrir leik að vera bara rólegir og henda öllu af öxlunum og njóta þess að vera hérna. Það eru náttúrulega forréttindi að fá að spila svona leik og hafa einhverju að keppa í staðin fyrir að vera spila leik sem skiptir engu máli en auðvitað er erfitt að vera í þessari fallbaráttu en það eru þvílík forréttindi að spila svona leik"
Viðtalið í heild sinni má sjá í sjónvarpinu hér að ofan
