Argentínumaðurinn Angel Correa skoraði dramatískt jöfnunarmark á fimmtu mínútu í uppbótartíma í 1-1 jafnteflinu gegn Real Madrid í nágrannaslag á Wanda Metropolitano-leikvanginum í Madríd í kvöld.
Mikill rígur er á milli þessara félaga, sem er eðlilegt, og má því við öllu búast.
Ekki bjuggust þó margir við því að það yrði varnarmaðurinn Eder Militao sem kæmi Real Madrid í forystu. Það gerði hann á 64. mínútu.
Luka Modric tók aukaspyrnu sem fór á Vinicius Junior á vinstri vængnum. Hann kom með fyrirgjöfina yfir allan pakkann og á Militao, sem tók á móti boltanum og hamraði honum af varnarmanni og í netið.
Ekki liðu margar mínútur þangað til hörðustu stuðningsmenn Atlético fóru að láta öllum illum látum. Þeir köstuðu hlutum í Thibaut Courtois, markvörð Real Madrid, sem varð til þess að dómari leiksins gerði hlé á leiknum. Hann var alvarlega að íhuga að flauta leikinn af, en Koke, fyrirliði Atlético og Diego Simeone, þjálfari liðsins, fóru upp að stúkunni og róuðu mannskapinn niður.
Dómarinn tók ákvörðun um að halda leik áfram, sem reyndist Atlético vel, því þegar fimm mínútur voru komnar fram yfir venjulegan leiktíma skoraði Angel Correa jöfnunarmarkið við mikinn fögnuð stuðningsmanna.
Á síðustu mínútunum fékk síðan Marcos Llorente, leikmaður Atlético, að líta rauða spjaldið fyrir ljóta tæklingu. Rétt eftir það var leikurinn flautaður af. Lokatölur 1-1.
Real Madrid er í 2. sæti með 18 stig en Atlético í 3. sæti með 16 stig. Þetta er mikill léttir fyrir Barcelona sem tapaði um helgina, en liðið er nú með þriggja stiga forystu á toppnum.
Úrslit og markaskorarar:
Athletic 1 - 1 Sevilla
1-0 Mikel Jauregizar ('36 )
1-1 Alex Padilla ('90 , sjálfsmark)
Rautt spjald: Julen Agirrezabala, Athletic ('82)
Atletico Madrid 1 - 1 Real Madrid
0-1 Eder Militao ('64 )
1-1 Angel Correa ('90 )
Rautt spjald: Marcos Llorente, Atletico Madrid ('90)
Celta 1 - 1 Girona
0-1 Yangel Herrera ('38 )
1-1 Iago Aspas ('81 )
Betis 1 - 0 Espanyol
0-0 Abde Ezzalzouli ('45 , Misnotað víti)
1-0 Giovani Lo Celso ('85 )
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 30 | 25 | 1 | 4 | 80 | 29 | +51 | 76 |
| 2 | Real Madrid | 30 | 22 | 3 | 5 | 64 | 28 | +36 | 69 |
| 3 | Villarreal | 30 | 18 | 4 | 8 | 54 | 35 | +19 | 58 |
| 4 | Atletico Madrid | 30 | 17 | 6 | 7 | 50 | 30 | +20 | 57 |
| 5 | Betis | 30 | 11 | 12 | 7 | 44 | 37 | +7 | 45 |
| 6 | Celta | 30 | 11 | 11 | 8 | 44 | 37 | +7 | 44 |
| 7 | Real Sociedad | 30 | 11 | 8 | 11 | 46 | 45 | +1 | 41 |
| 8 | Getafe | 30 | 12 | 5 | 13 | 27 | 31 | -4 | 41 |
| 9 | Osasuna | 30 | 10 | 8 | 12 | 36 | 37 | -1 | 38 |
| 10 | Espanyol | 30 | 10 | 8 | 12 | 36 | 44 | -8 | 38 |
| 11 | Athletic | 30 | 11 | 5 | 14 | 32 | 43 | -11 | 38 |
| 12 | Girona | 30 | 9 | 10 | 11 | 32 | 44 | -12 | 37 |
| 13 | Vallecano | 30 | 8 | 11 | 11 | 29 | 35 | -6 | 35 |
| 14 | Valencia | 30 | 9 | 8 | 13 | 34 | 45 | -11 | 35 |
| 15 | Alaves | 30 | 8 | 8 | 14 | 32 | 43 | -11 | 32 |
| 16 | Mallorca | 30 | 8 | 7 | 15 | 36 | 48 | -12 | 31 |
| 17 | Sevilla | 30 | 8 | 7 | 15 | 37 | 50 | -13 | 31 |
| 18 | Elche | 30 | 6 | 11 | 13 | 38 | 47 | -9 | 29 |
| 19 | Levante | 30 | 6 | 8 | 16 | 34 | 50 | -16 | 26 |
| 20 | Oviedo | 30 | 5 | 9 | 16 | 21 | 48 | -27 | 24 |
