McKennie flýgur til Leeds í dag

McKennie hefur spilað fimmtán leiki fyrir Juve í ítölsku A-deildinni, skorað eitt mark og átt eina stoðsendingu. Hann verður þriðji leikmaðurinn sem Leeds fær til sín í janúar, á eftir Max Wöber og Georginio Rutter.

Fleiri félög í ensku deildinni sýndu McKennie áhuga en hann valdi Leeds, þar sem landar hans Tyler Adams og Brenden Aaronson spila.

McKennie hefur leikið 41 landsleik fyrir Bandaríkin og byrjaði alla fjóra leiki liðsins á HM í Katar.

McKennie kom til Juventus á lánssamningi frá Schalke í Þýskalandi 2020.