Jürgen Klopp er gríðarlega spenntur fyrir stórleik helgarinnar þar sem Manchester United tekur á móti Liverpool.

Rauðu djöflarnir eru í öðru sæti deildarinnar, þrettán stigum fyrir ofan Liverpool. Lærisveinar Klopp þurfa sigur í Evrópubaráttunni á meðan Man Utd á enn agnarsmáa möguleika á að stela titlinum af nágrönnum sínum í Manchester City.

Klopp býst þó við því að leikmenn United telji sig enn eiga möguleika á titlinum og mæti því sérstaklega grimmir til leiks.

„Það skiptir ekki máli hvað er að gerast í kringum þig, þegar þú ert leikmaður eða þjálfari hjá Liverpool þá er þetta leikurinn," sagði Klopp.

„Þetta er besti staðurinn til að fara á eftir að hafa séð þá skora fimm mörk í einum hálfleik. Það getur allt gerst, við verðum að vera undirbúnir.

„Við þurfum að vinna þennan leik, meira en 100%. Við missum af Evrópukeppnum ef við vinnum ekki leiki. Þetta verður mjög erfiður leikur.

„Við sáum í gær hvað Man Utd getur gert. Þeir voru á flugi. Ég er nokkuð viss um að United hefur enn trú á titlinum og því munu bæði lið gera allt til að sigra."

Liðin eigast við á sunnudaginn klukkan 15:30.

Tweet

Senda a Facebook Hafdu samband Senda frétt Prenta frétt Frétta leit