Öll mörk Martínez komu í síðari hálfleiknum, enda skiljanlegt þar sem hann kom ekki inn á fyrr en á 54. mínútu, en fyrsta markið gerði hann átta mínútum síðar eftir stoðsendingu Marcus Thuram og fimmtán mínútum síðar kom annað markið.

Hann fullkomnaði þrennu sína úr vítaspyrnu á 85. mínútu. Martínez var ekki saddur því fjórum mínútum síðar gerði hann fjórða og síðasta mark leiksins. Fullkomin frammistaða hjá honum og er hann markahæstur með 9 mörk í deildinni og Inter á toppnum með 18 stig.

Nágrannar þeirra í Milan unnu Lazio, 2-0. Bandaríski vængmaðurinn Christian Pulisic gerði fyrra markið á 60. mínútu áður en Noah Okafor gulltryggði sigurinn á 88. mínútu. Milan er með 18 stig eins og Inter.

Napoli fagnaði þá öruggum 4-0 sigri á Lecce. Nígeríski framherjinn Victor Osimhen byrjaði á bekknum, en kom inn á í hálfleik og gerði annað mark liðsins. Leo Ostigard, Gianluca Gaetano og Matteo Politano komust allir á blað.

Napoli er í þriðja sæti með 14 stig.

Úrslit og markaskorarar:

Lecce 0 - 4 Napoli
0-1 Leo Ostigard ('16 )
0-2 Victor Osimhen ('51 )
0-3 Gianluca Gaetano ('88 )
0-4 Matteo Politano ('90 , víti)

Milan 2 - 0 Lazio
1-0 Christian Pulisic ('60 )
2-0 Noah Okafor ('88 )

Salernitana 0 - 4 Inter
0-1 Lautaro Martinez ('62 )
0-2 Lautaro Martinez ('77 )
0-3 Lautaro Martinez ('85 , víti)
0-4 Lautaro Martinez ('89 )