Heimild: Mail 

„Ég held það sé eðlilegt þegar þú spilar fyrir félag á borð við Arsenal," sagði Rúnar aðspurður hvort hann þurfi að halda einbeitingu þegar það reynir ekki mikið á hann. Dundalk átti eitt skot að marki Arsenal sem Rúnar varði.

„Við höldum boltanum mikið og það verða margir leikir eins og þessir. En þú verður að halda einbeitingu því það munu koma eitt eða tvö færi og ég var heppinn að fá þetta á mig snemma leiks, það gaf mér góða byrjun. Ég held að svona verði myndin í mörgum leikjum Arsenal, sagði Rúnar.

„Ég er stoltur af því að hafa náð að þreyta frumraun mína og ég er stoltur af liðinu að ná í mjög góðan sigur. Allir leikir í Evrópu eru erfiðir svo þetta eru mjög góða úrslit."