Byrjunarlið Newcastle og Man City: Pep gerir þrjár breytingar

Heimamenn í Newcastle eru fimm stigum frá fallsæti fyrir leikinn og gerir Steve Bruce eina breytingu á liðinu sem tapaði fyrir Aston Villa í síðustu umferð.

Javier Manquillo kemur inn í stöðu hægri bakvarðar í stað DeAndre Yedlin, sem átti ekki sérlega góðan leik á Villa Park.

Man City er í þriðja sæti fyrir þennan leik, níu stigum á eftir toppliði Liverpool. Josep Guardiola gerir þrjár breytingar á liðinu sem lagði Chelsea að velli.

Gabriel Jesus byrjar fremstur enda meiddist Sergio Agüero í síðasta leik. Kyle Walker kemur þá inn í hægri bakvörðinn í stað Joao Cancelo og fær Ilkay Gundogan tækifæri með byrjunarliðinu í stað Rodrigo.

Newcastle: Dubravka, Manquillo, Clark, Fernandez, Dummett, Willems, Shelvey, Hayden, Almiron, Saint-Maximin, Joelinton
Varamenn: Darlow, Schär, Gayle, Krafth, Atsu, S. Longstaff, M. Longstaff

Man City: Ederson, Walker, Stones, Fernandinho, Mendy, Gundogan, Silva (C), Mahrez, De Bruyne, Sterling, Jesus
Varamenn: Bravo, Angelino, Rodrigo, Bernardo, Cancelo, Otamendi, Foden