Spánn: Allt jafnt á Mallorca

Real Mallorca og Cadiz gerðu 1-1 jafntefli í La Liga á Spáni í kvöld.

Þrátt fyrir öfluga byrjun heimamanna var það Cadiz sem tók forystuna.

Ruben Alcaraz skoraði þá laglegt mark beint úr aukaspyrnu og ekki amalegt að þetta var hans fyrsta mark á tímabilinu.

Mallorca fékk nóg af færum til að jafna metin og kom markið fyrir rest er Abdon Prats skallaði fyrirgjöf Pablo Maffeo í netið í uppbótartíma fyrri hálfleiks.

Darwin Machis komst næst því að stela sigrinum í síðari hálfleik en Predrag Rajkovic, markvörður Mallorca varði frábærlega.

Fleiri mörk voru ekki skoruð og lokatölur því 1-1. Cadiz er í 16. sæti með 11 stig en Mallorca í sætinu fyrir neðan með 10 stig.