Franski sóknarmaðurinn Karim Benzema átti góðan leik áður en hann fór meiddur af velli í 4-2 sigri Al-Ittihad á Al Khaleej í sádi-arabísku deildinni í dag.
Benzema lagði upp fyrsta mark leiksins fyrir Ivan Coronado á 9. mínútu áður en Frakkinn gerði annað markið úr vítaspyrnu tuttugu mínútum síðar.
Sóknarmaðurinn knái fór af velli á 38. mínútu vegna meiðsla, en líklega ekki um alvarleg meiðsli að ræða. Fabinho var einnig í liði Al-Ittihad en N'Golo Kanté var ekki með.
Stjörnurnar í Al-Ahli áttu frábæran dag í 6-0 sigrinum á Abha. Gabri Veiga skoraði tvö og lagði upp tvö á meðan þeir Franck Kessie og Riyad Mahrez voru báðir með mark og stoðsendingu. Allan Saint-Maximin lagði þá upp eitt.
Al-Ahli er í 3. sæti með 30 stig en Al-Ittihad í 4. sæti með 28 stig.
Gabri Veiga makes it FIVE for Al Ahli in a breathless first half on the road ????
— Roshn Saudi League (@SPL_EN) November 30, 2023
#yallaRSL pic.twitter.com/aUbhrdj7Eb
Athugasemdir