Patrik Schick er sjóðandi heitur
Tékkneski sóknarmaðurinn Patrik Schick skoraði fjórða leikinn í röð er hann tryggði Bayer Leverkusen 2-1 sigur á Union Berlín í þýsku deildinni í dag. RB Leipzig fékk þá óvæntan skell gegn Wolfsburg á heimavelli.
Vængbakverðirnir Alex Grimaldo og Jeremie Frimpong bjuggu til fyrra mark Leverkusen á 2. mínútu.
Grimaldo stakk sér í gegn vinstra megin og var með Frimpong sér við hlið sem skoraði. Woo-Yeong Jeong jafnaði fyrir Union á 29. mínútu leiksins í annars frekar jöfnum leik.
Patrik Schick, sem hafði skorað í síðustu þremur leikjum Leverkusen, klæddi sig í skikkjuna og tryggði gestunum sigurinn með góðu skallamarki tuttugu mínútum fyrir leikslok og kom Leverkusen upp í 3. sæti deildarinnar með 23 stig.
RB Leipzig fékk útreið á heimavelli sínum er Wolfsburg kom í heimsókn en leiknum lauk með 5-1 stórsigri gestanna.
Wolfsburg gekk yfir Leipzig á fyrstu tuttugu mínútunum. Mohamed Amoura skoraði tvö og Tiago Tomas eitt í fyrri hálfleiknum áður en Joakim Mæhle bætti við fjórða markinu þegar hálftími var eftir.
Willi Orban náði að klóra aðeins í bakkann fyrir Leipzig á 82. mínútu. Leikurinn var að fjara út þegar Kevin Behrens ákvað að bæta ofan á niðurlægingu Leipzig með fimmta marki Wolfsburg.
Wolfsburg er í 7. sæti með 18 stig en Leipzig í 4. sæti með 21 stig.
Freiburg lagði Borussia Mönchengladbach að velli, 3-1. Lucas Holer skoraði tvö og Ritsu Doan eitt. Augsburg vann Bochum 1-0 og þá gerðu Werder Bremen og Stuttgart 2-2 jafntefli.
RB Leipzig 1 - 5 Wolfsburg
0-1 Mohamed Amoura ('4 )
0-2 Tomas Tiago ('5 )
0-3 Mohamed Amoura ('16 )
0-4 Joakim Maehle ('64 )
1-4 Willi Orban ('82 )
1-5 Kevin Behrens ('90 )
Werder 2 - 2 Stuttgart
1-0 Justin Njinmah ('6 )
1-1 Ermedin Demirovic ('20 )
2-1 Jens Stage ('76 )
2-2 Ermedin Demirovic ('85 )
Freiburg 3 - 1 Borussia M.
1-0 Lucas Holer ('41 )
2-0 Ritsu Doan ('49 )
2-1 Tim Kleindienst ('61 )
3-1 Lucas Holer ('63 )
Augsburg 1 - 0 Bochum
1-0 Phillip Tietz ('38 , víti)
Union Berlin 1 - 2 Bayer
0-1 Jeremie Frimpong ('2 )
1-1 Woo-Yeong Jeong ('29 )
1-2 Patrik Schick ('71 )
Stöðutaflan
Þýskaland
Bundesliga - karlar
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 34 | 28 | 5 | 1 | 122 | 36 | +86 | 89 |
| 2 | Dortmund | 34 | 22 | 7 | 5 | 70 | 34 | +36 | 73 |
| 3 | RB Leipzig | 34 | 20 | 5 | 9 | 66 | 47 | +19 | 65 |
| 4 | Stuttgart | 34 | 18 | 8 | 8 | 71 | 49 | +22 | 62 |
| 5 | Hoffenheim | 34 | 18 | 7 | 9 | 65 | 52 | +13 | 61 |
| 6 | Leverkusen | 34 | 17 | 8 | 9 | 68 | 47 | +21 | 59 |
| 7 | Freiburg | 34 | 13 | 8 | 13 | 51 | 57 | -6 | 47 |
| 8 | Frankfurt | 34 | 11 | 11 | 12 | 61 | 65 | -4 | 44 |
| 9 | Augsburg | 34 | 12 | 7 | 15 | 45 | 61 | -16 | 43 |
| 10 | Mainz | 34 | 10 | 10 | 14 | 44 | 53 | -9 | 40 |
| 11 | Union Berlin | 34 | 10 | 9 | 15 | 44 | 58 | -14 | 39 |
| 12 | Gladbach | 34 | 9 | 11 | 14 | 42 | 53 | -11 | 38 |
| 13 | Hamburger | 34 | 9 | 11 | 14 | 40 | 54 | -14 | 38 |
| 14 | Köln | 34 | 7 | 11 | 16 | 49 | 63 | -14 | 32 |
| 15 | Werder | 34 | 8 | 8 | 18 | 37 | 60 | -23 | 32 |
| 16 | Wolfsburg | 34 | 7 | 8 | 19 | 45 | 69 | -24 | 29 |
| 17 | Heidenheim | 34 | 6 | 8 | 20 | 41 | 72 | -31 | 26 |
| 18 | St. Pauli | 34 | 6 | 8 | 20 | 29 | 60 | -31 | 26 |
