De Bruyne og Grealish til Napoli? - Rodrygo og Frimpong til Liverpool - Al Hilal vill tvo frá Liverpool - Tveir orðaðir frá Newcastle
Bjarni Jó: Blessaður vertu ég er búinn að vera í þessu í tæp 40 ár
Pablo Aguilera: Vissulega kalt fyrir mig komandi frá Spáni
Jóhann Birnir: Mér fannst það vera rautt spjald
Liam Daði: Höfum alla burði og getu til þess að vinna þessi stærri lið
Haraldur Freyr: Eðlilega pirraður en hvað hann sagði veit ég ekki
Venni: Miðað við aðstæður var þetta ótrúlega fallegt mark
Hemmi Hreiðars: Við þurfum að ná 90 mínútum eins og við tókum seinni hálfleik
John Andrews: Þrjú skot á markið og skoruðu tvö crazy mörk
Óli Hrannar: Brugðumst ekki vel við aðstæðum
Óskar Smári: Eins mikið haglél og ég hef séð frá því í nóvember
Úlfa Dís: Ég var mjög hissa
Siggi Höskulds: Litast af glötuðu veðri
Aldís: Við erum bara með bestu vörnina, það er bara þannig.
Katie Cousins: Höfum það sem til þarf
Anna Rakel: United bara, tek því
„Hefði getað sent en mig langaði svo rosalega mikið að skora"
Berglindi skemmt þegar henni var bent á áhugaverða staðreynd
Jón Óli: Stórkostlegar aðstæður
„Æsifréttamennska að mínu mati“ - Leikið í Grindavík á laugardag
Júlíus Mar: Eitthvað sem mig hefur dreymt um frá því ég kom til liðsins
   mið 31. maí 2023 10:40
Guðmundur Aðalsteinn Ásgeirsson
Laugardalsvelli
Hafa unnið alla sína leiki í sumar - „Stoltur að starfa þarna"
Kvenaboltinn
John Andrews, þjálfari Víkings.
John Andrews, þjálfari Víkings.
Mynd: Fótbolti.net - Hafliði Breiðfjörð
Úr leik Víkings og KR í Mjólkurbikarnum.
Úr leik Víkings og KR í Mjólkurbikarnum.
Mynd: Fótbolti.net - Jónína Guðjörg Guðbjartsdóttir
Víkingur er á toppnum í Lengjudeildinni.
Víkingur er á toppnum í Lengjudeildinni.
Mynd: Fótbolti.net - Hafliði Breiðfjörð
Kvennalið Víkings R. hefur byrjað tímabilið frábærlega og hefur unnið alla leiki sína. Liðið byrjaði á því að vinna Lengjubikarinn áður en keppnistímabilið hófst og hefur svo farið afskaplega vel af stað í sumar.

Dregið var í átta-liða úrslit Mjólkurbikarsins í gær en þar var Víkingur eina liðið úr Lengjudeildinni sem var í pottinum. Þær drógust gegn Selfossi á heimavelli.

„Við vitum hversu góður þjálfari Bjössi er og hversu stórt lið Selfoss er með. Þetta verður mjög erfiður leikur. Við erum bara hæstánægð að fá heimaleik en það er mikilvægt á þessu stigi keppninnar," sagði John Andrews, þjálfari Víkings, í samtali við Fótbolta.net í gær.

Er hann stoltur af því að vera að stýra eina liðinu úr Lengjudeildinni sem eftir er í keppninni?

„Fólk virðist vera orðið leitt á því að heyra hvað ég er stoltur af leikmönnunum. Ég er svo stoltur af þeim. Við erum núna að fara í átta-liða úrslitin í bikarnum og erum að fara að spila á heimavelli. Vonandi getum við fyllt stúkuna og boðið upp á góða skemmtun. Stuðningsmennirnir hafa verið að mæta vel. Það var fallegt augnablik á karlaleiknum í gærkvöldi þar sem hópur stuðningsmanna kom upp að mér og sagðist elska að horfa á stelpurnar okkar spila. Við erum stolt af því."

„Við ætlum að gera okkar besta gegn Selfossi en við eigum þrjá mikilvæga leiki framundan í Lengjudeildinni. Við einbeitum okkur fyrst að þeim og svo verðum við tilbúin á móti Selfossi."

Miklu betra en að tapa öllum leikjum
Víkingur vann 1-4 sigur gegn KR í 16-liða úrslitunum eftir að hafa lent undir í leiknum. John var hæstánægður með þann sigur og viðbrögðin sem liðið sýndi eftir að það lenti undir í leiknum. Líkt og áður segir þá hefur Víkingur unnið alla leiki sína í sumar; liðið er á toppi Lengjudeildarinnar og komið í átta-liða úrslit bikarsins.

„Þetta er miklu betra en að tapa öllum leikjum. En ef ég á að vera hreinskilinn þá getum við enn bætt okkur mikið... við erum ánægð með þróunina hjá félaginu, ekki bara hjá liðinu. Ég er ánægður með það hvernig félagið er að standa sig sem heild og það er mjög gaman að vinna leiki."

Það eru engir erlendir leikmenn í liðinu og er það byggt upp á íslenskum leikmönnum, en margar af þeim eru ungar og efnilegar. „Það er alltaf markmiðið að komast upp. En okkar markmið núna er að vinna Fylki á laugardaginn. Ég veit að það er klisja en þú getur ekki unnið deild í maí eða júní."

Hann segir að umgjörðin í kringum liðið sé lykilþátturinn í góðum árangri, en það hefur verið talað um að umgjörðin hjá Víkingi sé í Bestu deildar klassa. „Hún er ótrúleg. Hópurinn stendur saman," segir John. „Við erum líka með mjög góða leikmenn sem eru að spila einfaldan fótbolta og njóta þess sem þau gera. Ég vona að þetta haldi lengi áfram. Við erum að spila góðan fótbolta. "

„Strákarnir hafa gefið okkur góða gulrót líka. Þeir eru besta lið landsins að mínu mati. Við verðum að elta það, reyna að komast þangað. Það er langt ferli, en það er gaman að elta lið sem er innan þín félags. Víkingur lítur vel út og er á góðum stað. Ég er stoltur að starfa þarna," sagði John.

Hægt er að sjá viðtalið í heild sinni hér að ofan.
Athugasemdir
banner
banner