Paulo Dybala skoraði eina mark Roma
Nuno Tavares lagði upp áttunda mark sitt á tímabilinu og fékk síðan rautt
Nágrannafélögin Lazio og Roma unnu bæði leiki sína í Seriu A á Ítalíu í kvöld.
Argentínski sóknarmaðurinn Paulo Dybala skoraði eina mark Roma í 1-0 sigrinum á Torino.
Markið var klaufalegt í alla staði. Leikmenn Torino voru í vandræðum með að spila út úr vörninni og var það Karol Linetty sem átti hræðilega sendingu til baka sem Dybala komst inn í áður en hann kom sér framhjá Vanja Milinkovic-Savic, markverði Torino.
Skotið hjá Dybala var laust í átt að opnu marki og virtist Adam Masina ætla að ná að hreinsa boltann frá, en fleygði sér á boltann í einhverjum klaufaskap og boltinn í netið.
Dybala gat vel skorað tvö eða þrjú til viðbótar í leiknum en fór illa með ágætis færi. Gestirnir í Torino fengu líka tækifæri til að skora en Mile Svilar var að eiga góðan dag í markinu.
Roma er í 10. sæti með 13 stig en Torino í sætinu fyrir ofan með 14 stig.
Nágrannar Roma í Lazio unnu 5-1 útisigur á nýliðum Como.
Lazio fór með 2-0 forystu inn í hálfleikinn þökk sé mörkum frá Valentin Castellanos og Pedro.
Luca Mazzitelli kom Como inn í leikinn með marki á 53. mínútu en tæpum níu mínútum síðar var Matthias Braunoder rekinn af velli í liði heimamanna.
Nuno Tavares, sem er á láni hjá Lazio frá Arsenal, lagði upp áttunda mark sitt í deildinni í þessum leik, en var síðan rekinn af velli með sitt annað gula á 65. mínútu.
Sem betur fer fyrir hann kom það ekki að sök því þeir Patric, Castellanos og Loum Tchaouna gerðu þrjú mörk á síðustu tuttugu mínútum og gulltryggði sigurinn.
Lazio er í 5. sæti með 19 stig en Como í 15. sæti með 9 stig.
Como 1 - 5 Lazio
0-1 Valentin Castellanos ('28 , víti)
0-2 Pedro ('31 )
1-2 Luca Mazzitelli ('53 )
1-3 Patric Gabarron ('72 )
1-4 Valentin Castellanos ('81 )
1-5 Loum Tchaouna ('90 )
Rautt spjald: ,Matthias Braunoder, Como ('62)Nuno Tavares, Lazio ('65)
Roma 1 - 0 Torino
1-0 Paulo Dybala ('20 )
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 33 | 25 | 3 | 5 | 78 | 29 | +49 | 78 |
| 2 | Milan | 33 | 19 | 9 | 5 | 48 | 27 | +21 | 66 |
| 3 | Napoli | 33 | 20 | 6 | 7 | 48 | 33 | +15 | 66 |
| 4 | Juventus | 33 | 18 | 9 | 6 | 57 | 29 | +28 | 63 |
| 5 | Como | 33 | 16 | 10 | 7 | 57 | 28 | +29 | 58 |
| 6 | Roma | 33 | 18 | 4 | 11 | 46 | 29 | +17 | 58 |
| 7 | Atalanta | 33 | 14 | 12 | 7 | 45 | 29 | +16 | 54 |
| 8 | Bologna | 33 | 14 | 6 | 13 | 42 | 39 | +3 | 48 |
| 9 | Lazio | 33 | 12 | 11 | 10 | 34 | 30 | +4 | 47 |
| 10 | Sassuolo | 33 | 13 | 6 | 14 | 41 | 44 | -3 | 45 |
| 11 | Udinese | 33 | 12 | 7 | 14 | 38 | 43 | -5 | 43 |
| 12 | Torino | 33 | 11 | 7 | 15 | 37 | 54 | -17 | 40 |
| 13 | Genoa | 33 | 10 | 9 | 14 | 40 | 46 | -6 | 39 |
| 14 | Parma | 33 | 9 | 12 | 12 | 24 | 40 | -16 | 39 |
| 15 | Fiorentina | 32 | 8 | 11 | 13 | 37 | 44 | -7 | 35 |
| 16 | Cagliari | 33 | 8 | 9 | 16 | 33 | 47 | -14 | 33 |
| 17 | Cremonese | 33 | 6 | 10 | 17 | 26 | 47 | -21 | 28 |
| 18 | Lecce | 32 | 7 | 6 | 19 | 21 | 45 | -24 | 27 |
| 19 | Verona | 33 | 3 | 9 | 21 | 23 | 56 | -33 | 18 |
| 20 | Pisa | 33 | 2 | 12 | 19 | 24 | 60 | -36 | 18 |
