Ósvald Jarl Traustason er varafyrirliði Leiknis.
'Hann er góður í því að 'drilla' sín lið'
„Mér líst bara mjög vel á þetta, spá er bara spá og við erum ekkert mikið að pæla í því. Við vitum alveg hvað við getum og markmiðið okkar er einfalt. Það er að gera betur en í fyrra. Það þýðir bara í raun og veru eitt," sagði Ósvald Jarl Traustason, leikmaður Leiknis, við Fótbolta.net á kynningarfundi Lengjudeildarinnar í vikunni.
Leiknir endaði í 5. sæti Lengjudeildarinnar í fyrra og fór í umspilið um sæti í Bestu deildinni en tapaði gegn Adtureldingu í undanúrslitum. Leikni er spáð 7. sætinu í sumar.
Leiknir endaði í 5. sæti Lengjudeildarinnar í fyrra og fór í umspilið um sæti í Bestu deildinni en tapaði gegn Adtureldingu í undanúrslitum. Leikni er spáð 7. sætinu í sumar.
„Það kemur alveg pínu á óvart, viðurkenni það alveg, en við erum bara fullir tilhlökkunar að fara byrja og safna stigum."
„Veturinn hefur verið mjög fínn, við erum á betri stað en á sama tíma í fyrra. Leikirnir hafa verið ágætir."
Ósi, sem er 28 ára bakvörður, hefur verið óheppinn með meiðsli á sínum ferli. „Ég er mjög fínn, hef haldist tiltölulega heill og er mjög spenntur."
„Það er búið að vera mikið af meiðslum í gegnum tíðina en ég virðist vera ná að halda mér heilum. Ég held þetta sé heppni, er búinn að vera frekar óheppinn í gegnum tíðina og núna er ég loksins smá heppni."
Leiknismenn munu mæta sínum fyrrum þjálfara Sigurði Höskuldssyni í sumar. „Ég hlakka mjög mikið til, það verður veisla. Hann er góður í því að 'drilla' sín lið."
Tímabilið hefst gegn Njarðvík á föstudaginn. „Sá leikur leggst mjög vel í mig. Ég hef ekki séð mikið af Njarðvík í vetur, en það er alltaf erfitt að spila við Njarðvík, alveg sama hvenær það er og á hvaða velli það er."
„Við verðum á gervigrasinu. Við reiknum með því að spila heimaleik númer tvö á grasinu," sagði Ósi.
Athugasemdir
