Willian er 17 ára gamall og er enn einn efnilegi leikmaðurinn sem kemur úr röðum Palmeiras.

Á síðasta ári samdi undrabarnið Endrick við Real Madrid, en hann mun ganga í raðir spænska félagsins í sumar.

Nú er röðin komin að Willian, sem hefur verið að heilla í heimalandinu.

UOL greinir frá því að Chelsea sé að undirbúa 55 milljóna punda tilboð í leikmanninn en Palmeiras hefur þegar hafnað tveimur tilboðum frá félaginu.

Arsenal, Barcelona og Paris Saint-Germain eru meðal þeirra félaga sem eru að berjast við Chelsea um kappann, en hann mun ekki geta spilað í Evrópu fyrr en í fyrsta lagi næsta sumar þar sem hann hefur ekki náð 18 ára aldri.