Fótbolti.net

lau 04. maí 2024 08:15

Elvar Geir Magnússon

Lokaumferð Championship í dag - Ipswich stigi frá deild þeirra bestu

Ipswich er á barmi þess að komast upp.

Mynd: Getty Images

Líklegast er að Leeds endi í umspilinu.

Mynd: Getty Images

Arnór Sigurðsson er á meiðslalista Blackburn.

Mynd: Jónína Guðbjörg Guðbjartsdóttir

Lokaumferð Championship-deildarinnar fer fram í dag laugardag en allir tólf leikirnir verða spilaðir á sama tíma og flautað til leiks klukkan 11:30.

Leicester City hefur þegar tryggt sér sigur í deildinni og sæti í úrvalsdeildinni. Liðið sem endar í öðru sæti fylgir þeim beint upp og þar er Ipswich Town í bílstjórasætinu.

Baráttan um að fylgja Leicester beint upp
11:30 Ipswich Town - Huddersfield
11:30 Leeds - Southampton

Ipswich endar í öðru sæti og fer beint upp ef liðið forðast tap gegn Huddersfield, eða ef Leeds mistekst að vinna Southampton.

Til að Leeds komist beint upp þarf liðið að vinna Southampton og treysta á að Huddersfield vinni Ipswich.

Baráttan um að komast í umspilið
11:30 Birmingham - Norwich
11:30 Plymouth - Hull City
11:30 West Brom - Preston NE

Liðin í sætum 3-6 munu mætast í umspili sem endar með úrslitaleik um síðasta lausa sætið í ensku úrvalsdeildinni. Leeds eða Ipswich munu enda í 3. sætinu og öruggt er að Southampton mun enda í fjórða sætinu. En það verður barist um fimmta og sjötta sætið.

Norwich kemst í umspilið ef liðið forðast tap gegn Birmingham. West Brom kemst í umspilið ef það það forðast tap gegn Preston. Hull kemst í umspilið ef liðið vinnur og annað hvort West Brom tapar eða Norwich tapar með átta marka sveiflu.

Fallbaráttan
11:30 Birmingham - Norwich
11:30 Leicester - Blackburn
11:30 Plymouth - Hull City
11:30 Sunderland - Sheff Wed
11:30 Ipswich Town - Huddersfield

Rotherham er fallið og Huddersfield svo gott sem líka. Birmingham er í 22. sæti en þrjú önnur lið eru líka í fallhættu.

Huddersfield á aðeins tölfræðilega möguleika á að bjarga sér, ekki raunhæfa. Liðið mun halda sæti sínu með sigri ef Plymouth tapar með sextán marka sveiflu auk þess sem Birmingham tapi.

Birmingham fellur ef liðið tapar. Liðið mun aðeins bjarga sér með sigri ef annað hvort Blackburn tapar, Sheff Wed tapar eða Plymouth nær ekki sigri. Liðið mun halda sér uppi með jafntefli ef Plymouth tapar með fimm marka mun.

Plymouth mun falla ef liðinu mistekst að vinna og Birmingham vinnur. Plymouth fellur einnig ef liðið tapar með fimm marka mun og Birmingham gerir jafntefli. Plymouth er öruggt með sæti sitt ef það vinnur.

Sheff Wed fellur ef liðið tapar og Birmingham og Plymouth vinna. Liðið er öruggt með sæti sitt ef það forðast fall.

Arnór Sigurðsson er á meiðslalista Blackburn sem mun falla ef liðið tapar, Birmingham og Plymouth vinna og Sheff Wed forðast fall. Blackburn er öruggt með sæti sitt ef liðið forðast tap.

Aðrir leikir í dag:
11:30 Coventry - QPR
11:30 Middlesbrough - Watford
11:30 Rotherham - Cardiff City
11:30 Stoke City - Bristol City
11:30 Swansea - Millwall

		L	U	J	T	ms:	mf:	mun	Stig
1	Leicester	46	31	4	11	89	41	+48	97
2	Ipswich Town	46	28	12	6	92	57	+35	96
3	Leeds	46	27	9	10	81	43	+38	90
4	Southampton	46	26	9	11	87	63	+24	87
5	West Brom	46	21	12	13	70	47	+23	75
6	Norwich	46	21	10	15	79	64	+15	73
7	Hull City	46	19	13	14	68	60	+8	70
8	Middlesbrough	46	20	9	17	71	62	+9	69
9	Coventry	46	17	13	16	70	59	+11	64
10	Preston NE	46	18	9	19	56	67	-11	63
11	Bristol City	46	17	11	18	53	51	+2	62
12	Cardiff City	46	19	5	22	53	70	-17	62
13	Millwall	46	16	11	19	45	55	-10	59
14	Swansea	46	15	12	19	59	65	-6	57
15	Watford	46	13	17	16	61	61	0	56
16	Sunderland	46	16	8	22	52	54	-2	56
17	Stoke City	46	15	11	20	49	60	-11	56
18	QPR	46	15	11	20	47	58	-11	56
19	Blackburn	46	14	11	21	60	74	-14	53
20	Sheff Wed	46	15	8	23	44	68	-24	53
21	Plymouth	46	13	12	21	59	70	-11	51
22	Birmingham	46	13	11	22	50	65	-15	50
23	Huddersfield	46	9	18	19	48	77	-29	45
24	Rotherham	46	5	12	29	37	89	-52	27