Stefán Jón í leik með Þrótti Vogum á síðustu leiktíð
Stefán Jón Friðriksson hefur framlengt samning sinn við Keflavík til ársins 2026.
Stefán er tvítugur miðjumaður og er uppalinn hjá Keflavík. Hann var sendur á lán til Þróttar Vogum síðasta sumar þar sem hann lék alla 22 leikina í 2. deild og skoraði tvö mörk.
Hann á að baki 46 leiki í meistaraflokki og hefur skorað fimm mörk.
Hann kom Keflvíkingum á bragðið með marki í 3-2 sigri gegn Víkingi Ólafsvík í 2. umferð Mjólkurbikarsins fyrr í þessum mánuði og spilaði allan leikinn þegar liðið vann frábæran sigur á Breiðablik í bikarnum á dögunum.
Athugasemdir
